मत्ती 1:20 - परमेश्‍वरए ताँ तमु क्युइर

²⁰ दिलेया योसेफइ सैं न्‍हों-न्हों चु ताँ मैंरिमा परमेश्‍वरउँइँले युबै स्‍वर्गदूतजी चए म्‍होंडर म्रोंयुसि चने बिइ, “ओ दाऊदए खलकर्बै योसेफ, क्हिए प्ह्रेंस्यो मरियमलाइ तोइ आङ्हाँन्‍ले ब्ह्‍या लद्। तलेबिस्याँ चइ पबित्र प्ल्हउँइँले प्‍हसे नोइमुँ।

मत्ती 1:20 ပူးပေါင်းရင်းမြစ်များ

उत्पत्ति 31:11

च त्हेर परमेश्‍वरए स्वर्गदूतइ म्होंडर ङने ‘ओ याकूब!’ बिमा ङइ ‘होइ, ङ चुर्न मुँ,’ बिइ।

उत्पत्ति 46:3

खीजी बिइ, “ङ परमेश्‍वर क्हिए आबाए परमेश्‍वर ग। मिश्र ह्‍याबर आङ्हिंन् चर ङइ क्हिउँइँले थेबै ह्रें घ्रि बनेब्मुँ।

भजनमैं 119:125

ङ क्हिए के लबै म्हि ग! छतसि क्हिजी बिबै ताँमैं क्होल् खाँरिगे बिसि ङलाइ च्हैंब् मैंब् लल् पिंन्!

भजनमैं 143:8

न्हाँग छजँ क्हिए खोंयोंइ आनुबै म्हाँयाए बारेर थेरिगे; तलेबिस्याँ क्हिए फिर्न ङइ भर थेंइमुँ। ङ प्रल् त्हुबै घ्याँ ङलाइ लोमिंनु, तलेबिस्याँ ङए सो ङ क्हि ङाँइन क्वेमुँ।

भजनमैं 94:19

ङए सैंर बेल्‍ले न्हुँ तमा क्हिजी ङए सैं क्होमिंसि तोंल् लमिंइ।

हितोपदेश 12:5

ठिक के लबै म्हिइ ठिक चाँजोमैं लम्, दिलेया दुष्‍टमैंए सल्‍ला बिस्याँ छलु म्हिलुबै तम्।

मत्ती 1:18

येशू ख्रीष्‍ट छले फिइ। खीए आमा मरियम योसेफ बिबै म्हिने ब्ह्‍या लब् बिसि ह्रिथेंल। चमैं ब्ह्‍या लब् भन्दा ओंसों मरियमइ परमेश्‍वरए पबित्र प्ल्हए शक्‍तिउँइँले प्‍हसे नोन बिसि योसेफइ था सेइ।

मत्ती 2:12

झाइले एह्‍याबै त्हेर परमेश्‍वरजी “हेरोद म्रुँ ङाँर आह्‍याद्,” बिसि चमैंने म्होंडर बिइ। छतसि चमैं स्योबै घ्‍याँउँइँले ह्रोंसए ह्‍युलर एह्‍याइ।

मत्ती 2:13

च ङ्‌ह्‍योब् लिब्मैं ह्‍याबै लिउँइँ स्‍वर्गदूत घ्रिइ योसेफने म्‍होंडर बिइ, “रेद्, कोलो नेरो खीए आमा बोसि मिश्र ह्‍युलउँइँ ह्‍याद्। ङइ च ह्‍युलउँइँले आहुइन् समा चर्न टिरिद्, तलेबिस्याँ हेरोदइ चु कोलो सैबर म्है प्रइमुँ।”

मत्ती 2:19

हेरोद म्रुँ सियाबै लिउँइँ याहवेहए स्‍वर्गदूत घ्रि मिश्र ह्‍युलरि योसेफए म्‍होंडर धबै बिइ।

मत्ती 2:22

दिलेया यहूदीयार अर्खिलाउस ह्रोंसए आबा हेरोदए क्‍ल्‍ह्‍योरि म्रुँ तइमुँ बिबै ताँ योसेफइ थेइ। चु ताँ थेसि योसेफ छाइ ह्‍याब ङ्हिंइ। छतमा म्‍होंडरि धबै परमेश्‍वर चने पोंइ। खीजी बिब् म्हाँदिसि योसेफ गालील ह्‍युलर ह्‍याइ।

मत्ती 27:19

पिलातस निसाफ लबै क्‍ल्‍ह्‍योर क्हुँरिबै त्हेर चए प्ह्रेंस्योइ चलाइ छ बिसि सउँसर पिमिंइ, “च छ्याब् आरेबै म्‍हिलाइ तोइ आलद्, तलेबिस्याँ च म्‍हिए कारणइ लमा तल् म्‍हुँइँसर म्‍होंडर ङइ ल्‍हें दुःख योंइ।”

मत्ती 28:5

दिलेया स्‍वर्गदूतइ च च्हमिरिमैंने बिइ, “क्‍हेमैं आङ्हिंन्! क्‍हेमैं क्रूसर च्योवाबै येशू म्‍हैबर खब् ग बिसि ङइ सेइमुँ।

लूका 1:19

स्‍वर्गदूतइ बिइ, “ङ गब्रिएल ग। ङ परमेश्‍वरए उँइँर रारिम्। क्‍हिने ताँ लबर नेरो चु सैं तोंबै ताँ बिद् बिसि परमेश्‍वरजी ङलाइ कुलब् ग।

लूका 2:4

छतसि योसेफै या गालील ह्‍युलर्बै नासरत सहरउँइँले यहूदीया ह्‍युलए बेथलेहेम बिबै नाँसर ह्‍याइ, तलेबिस्याँ चए खे दाऊद म्रुँ च बेथलेहेम नाँसर्बै मुँल।

चेला चिब्मैंए केमैं 5:19

दिलेया म्‍हुँइँसर प्रभुए स्वर्गदूत घ्रिइ झेलए म्रामैं थोंमिंइ, धै खीजी चमैंलाइ बैरु तेवासि बिइ,

दर्शन 19:7

छतसि ङ्यो बेल्‍ले सैं तोंले, खीलाइ थेब लले। तलेबिस्याँ क्‍यु च्हजए ब्ह्‍या लबै त्हिंइ खइमुँ। क्‍यु च्हजए प्‍ह्रेंस्‍योइ ह्रोंसलाइ पैरिदिइमुँ।