मत्ती 1:19 - परमेश्‍वरए ताँ तमु क्युइर

¹⁹ दिलेया योसेफ धर्मि म्‍हि मुँल। छतसि चइ मरियम फा पिन् आलल्‍ले खाबज्यै था आसेन्‍ले वाबै सैं लइ।

मत्ती 1:19 ပူးပေါင်းရင်းမြစ်များ

उत्पत्ति 38:24

म्हैंन सोंल् लिउँइँ म्हि घ्रिइ यहूदाने बिइ, “क्हिए चों तामारइ फ्रें क्ल्योंसि प्हसे नोइमुँ।” छबिमा यहूदाइ बिइ, “चलाइ चुर पखसि ख्रोंवाँन्।”

उत्पत्ति 6:9

नोआए ताँमैं चुन् ग। चए पलोर नोआ मत्‍त्रे छ्याँबै के लबै म्हि मुँल। च परमेश्‍वरने बा-बालुन् प्रमल।

मर्कूस 10:4

चमैंइ बिइ, “पार लबै कागत प्‍ह्रिसि च वालेन् तम् बिसि मोशाइ,” बिइमुँ।

मर्कूस 6:20

तलेबिस्याँ यूहन्‍ना ठिक के लबै पबित्र म्‍हि मुँ बिबै ताँ हेरोदइ सेल। छतसि हेरोद चने ङ्हिंसि सैल् आपिंल। यूहन्‍नाए ताँ थेमा हेरोद खैताखैता तमल दिलेया सैं तोंदै चए ताँ थेमल।

लूका 2:25

च त्‍हेर यरूशलेम सहरर शिमियोन बिबै म्‍हि घ्रि टिमल। च छ्याँबै के लबै म्‍हि नेरो परमेश्‍वर म्हाँदिबै म्‍हि मुँल, चने बालु परमेश्‍वरए पबित्र प्ल्ह मुँल। इस्राएली म्‍हिमैंलाइ परमेश्‍वरजी जोगेमिंब्मुँ बिसि शिमियोनइ ल्हें बर्ष ओंनोंन् परमेश्‍वरए घ्याँ ङ्ह्‍योरिल।

चेला चिब्मैंए केमैं 10:22

चमैंइ बिइ, “कप्‍तान कर्नेलियसइ ङि चुर कुलब् ग। च छ्याँब सैं प्ह्‍याब नेरो परमेश्‍वर म्हाँदिबै म्हि मुँ, धै ताँन् यहूदी ह्रेंमैंउँइँले मान योंबै म्हि ग। चए धिंर क्हि हुइसि क्हिउँइँले ताँ थेद् बिसि पबित्र स्वर्गदूत घ्रिइ चने बिइमुँ।”

चेला चिब्मैंए केमैं 27:39

मि म्रोंयाबै लिउँइँ क्यु झाज ओलेब्मैंइ माँ ङ्युँइँए छेउ म्रोंइ, दिलेया खनर फेखइ बिब आसे। दिलेया चमैंइ क्यु झाज टिल् खाँब् धों ब्योंब बलुवा मुँबै क्ल्ह्‍यो घ्रि म्रोंइ। धै खाँन् समा क्यु झाज चए रेर बोबै सैं लइ।

२ कोरिन्थी 1:15

ङि म्रोंसि क्हेमैं ङ्‍हो लोंल् योंम् बिसि ङइ सेल। छतसि ङ क्‍हेमैं ङाँर ङ्हिखे खल् योंरिगे बिसि ङइ ओंसों क्‍हेमैं ङाँर खबै सैं लइ।