मत्ती 1:18 - परमेश्‍वरए ताँ तमु क्युइर

¹⁸ येशू ख्रीष्‍ट छले फिइ। खीए आमा मरियम योसेफ बिबै म्हिने ब्ह्‍या लब् बिसि ह्रिथेंल। चमैं ब्ह्‍या लब् भन्दा ओंसों मरियमइ परमेश्‍वरए पबित्र प्ल्हए शक्‍तिउँइँले प्‍हसे नोन बिसि योसेफइ था सेइ।

मत्ती 1:18 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

मत्ती 1:1

चु येशूए खलकर्बै ताँ ग। येशू खीए खे, दाऊद म्रुँए हाँगउँइँले फिब् ग। दाऊद स्‍योंम्‍बै खे अब्राहामए हाँगउँइँले फिब् ग। च हाँगर्बै खेमैंए मिं छाब् मुँल:

मत्ती 12:46

येशूजी म्‍हिए हुलने चु ताँमैं पोंरिमा खीए आमा नेरो अलिमैं खीने ताँ लदा ङ्हाँसि बैरु रारिल।

मत्ती 2:11

झाइले चमैं च धिं न्‍होंर होंमा कोलो खीए आमा मरियमए क्‍वेंदर म्रोंइ। धै पत्खु तसि खीलाइ फ्योसि ह्रोंसए नेंदो फैसि मारा, छ्याँबै थाँ खबै धुप नेरो मूर्र बिबै लिंबै थाँ खबै छ्युगु भेटिमैं पिंइ।

लूका 1:25

“म्हिमैंए उँइँर ङ हेल् आतरिगे बिसि ङए फिर ल्हयो खसि परमेश्‍वरजी ङलाइ प्हसे नोल् पिंइमुँ।”

लूका 2:5

चइ ह्रिथेंबै मरियम बोसि मिं प्‍ह्रिबर ह्‍याइ। च त्‍हेर मरियम प्‍हसे नोसिन् ‍मुँल,

हिब्रू 10:5

छतसि येशू ख्रीष्‍ट चु ह्‍युलर युमा खीजी परमेश्‍वरने छ बिइ, “क्‍हिजी ख्रो नेरो भेटिमैं आम्है, दिलेया क्‍हिजी ङए ल्हागिर ज्यु घ्रि बनेइ।

हिब्रू 7:26

ङ्योए ल्हागिर छाबै म्हि घ्रि ख्रो पिंबै खेगि क्रथे तल् त्हुम्, तलेबिस्याँ येशू पबित्र, छ्याब् आरेब नेरो तोइ पाप आरेब मुँ। छतसि परमेश्‍वरजी पापि म्‍हिमैंउँइँले स्यो लसि खीलाइ स्‍वर्ग भन्दा ताइ थेंमिंइमुँ।