लूका 9:7 - परमेश्‍वरए ताँ तमु क्युइर

⁷ येशूजी लबै केमैंए बारेर थेसि गालील ह्‍युलर्बै हेरोद म्रुँ अलमल्‍ला तयाइ, तलेबिस्याँ “क्युर प्ल्हुँसि बप्‍तिस्मा पिंबै यूहन्‍ना सिबउँइँले धबै सोसि खना,” बिसि को-कोइ बिमल।

लूका 9:7 ပူးပေါင်းရင်းမြစ်များ

भजनमैं 73:19

थाइ आसेल्‍ले चमैं नास तयाम्, चमैं बेल्‍ले ङ्हिंमा ताँन् नोबोइ!

मत्ती 11:2

बप्‍तिस्‍मा पिंबै यूहन्‍नाइ येशू ख्रीष्‍टजी लबै केमैंए बारेर थेसि ह्रोंसए चेलामैं येशू ङाँर ताँमैं ङ्योएबर कुल्‍मिंइ।

मर्कूस 8:28

चेलामैंइ बिइ, “कोइ ‘बप्‍तिस्‍मा पिंबै यूहन्‍ना’ बिम्, कोइ ‘स्‍योंम्‍बै एलिया ग,’ बिम्, कोइ ‘स्‍योंम्‍बै अर्को अगमबक्‍ता घ्रि ग’ बिम्।”

लूका 13:31

च त्‍हेर्न को-कोइ फरिसीमैं येशू ङाँर खसि खीने बिइ, “छुइले छ्युडिह्‍याद् तलेबिस्याँ हेरोद म्रुँइ क्‍हि सैल् म्‍हैइमुँ।”

लूका 21:25

येशूजी धबै बिइ, “लयाँ, त्‍हिंयाँ नेरो मुर्बै सारामैंर औदिबै चिनुमैं म्रोंब्‍मुँ। थेबै कैले खबै मा ङ्युँइए भेल्‍गइ लमा ताँन् ह्‍युलर्बै म्‍हिमैं ङ्हिंसि बेल्‍ले आतिदिब्‍मुँ।

लूका 23:7

छले ङ्योएमा येशू हेरोद म्रुँए ह्‍युलर्बै म्‍हि मुँन बिब् सेसि चइ येशूलाइ हेरोद ङाँर कुलइ, तलेबिस्याँ च त्‍हेर हेरोद म्रुँ यरूशलेम सहरर्न मुँल।

लूका 3:1

रोम सहरर्बै तिबेरियस बिबै म्‍हिइ च्युसे ङ्‍हदिं समा ग्याल्स लमा पन्‍तियस पिलातस यहूदीया ह्‍युलर्बै क्रथे मुँल। च त्हेर गालील बिबै ह्‍युलर हेरोद म्रुँ मुँल। इतुरिया नेरो त्राखोनितिस बिबै ह्‍युलर हेरोदए अलि फिलिप म्रुँ मुँल। अबिलेने बिबै ह्‍युलर लुसानियास बिबै म्हि म्रुँ मुँल।

लूका 9:19

चेलामैंइ बिइ, “कोइ ‘क्युर प्ल्हुँसि बप्‍तिस्मा पिंबै यूहन्‍ना’ बिमुँ, कोइ ‘स्‍योंम्‍बै एलिया’ बिमुँ, कोइ ‘अगमबक्‍तामैं न्होंर्बै घ्रि धबै सोगो तसि खना,’ बिमुँ।”