लूका 9:45 - परमेश्‍वरए ताँ तमु क्युइर

⁴⁵ दिलेया येशूजी बिबै ताँ चेलामैंइ आक्‍हो। तलेबिस्याँ चु ताँ चमैंइ आक्‍होरिगे बिसि परमेश्‍वरजी चमैंउँइँले चए अर्थ लोथेंल। चेलामैंइ चु ताँ आक्होलेया येशूने ङ्योएबर ङ्हिंइ।

लूका 9:45 ပူးပေါင်းရင်းမြစ်များ

मत्ती 16:22

छबिमा पत्रुसइ येशूलाइ तिराइ बोसि “परमेश्‍वरजी क्हिए फिरि खोंयोंइ छ तल् पिंरिब् आरे प्रभु,” बिसि हौदिबर होंइ।

मत्ती 17:22

खेंमैं धबै गालील ह्‍युलर खागु तमा येशूजी चमैंने बिइ, “म्हिए च्ह म्‍हिमैंए योर पिंवाब्मुँ।

मर्कूस 9:10

खीजी बिबै ताँ चमैंइ अरूमैंने आबि, दिलेया सिसि धबै सोगों तब् बिब तो जा? बिसि खें-खेंमैंन् ताँ लबर होंइ।

मर्कूस 9:32

दिलेया खीजी बिबै चु ताँ चेलामैंइ क्‍होल् आखाँ, धै ङ्हिंसि खीने ङ्योएल् आखाँ।

लूका 18:34

दिलेया चेलामैंइ चु ताँ तिफुँइ आक्‍हो। चु ताँए अर्थ परमेश्‍वरजी चमैंउँइँले लोसि थेंइ। छतसि चमैंइ येशूजी बिबै ताँ क्‍होल् आखाँ।

लूका 2:50

दिलेया येशूजी बिबै ताँ मरियम नेरो योसेफइ आक्‍हो।

लूका 9:46

च त्हेर्न चेलामैं न्होंरि खाब् थेब् जा बिसि छलफल लरिल।

यूहन्‍ना 12:16

खीए चेलामैंइ ओंसों चु ताँमैं आक्होल। दिलेया येशू सिबउँइँले सोगों तसि स्वर्गर्बै मान योंबै लिउँइँ मत्‍त्रे खीए बारेर चु ताँ छ्वेर प्ह्रिब् मुँन धै चु केमैं खीए मान लबै ल्हागिरि यरूशलेमथेंमैंइ लना बिसि चमैंइ क्होइ।

यूहन्‍ना 12:34

चर्बै म्हिमैंइ खीने “परमेश्‍वरजी कुल्मिंबै म्रुँ ख्रीष्‍ट खोंयोंन् बिलै तरिम् बिबै ताँ छ्वेउँइँले ङिइ थेइमुँ। दिलेया म्हिए च्ह कैंडो क्वेलन् त्हुम् बिसि क्हिजी खैले बिल् खाँमुँ? चु म्हिए च्ह बिब् खाब् जा?” बिसि ङ्योएइ।

यूहन्‍ना 14:5

थोमाइ येशूने बिइ, “ओ प्रभु, क्‍हि खनिर ह्‍यासिन् मुँ ङिइ आसे, छतसि ङिइ घ्याँ खैले ङो सेब?”

यूहन्‍ना 4:33

छबिमा “खाबज्यै खीलाइ चबै सै पिंखइ उ तो जा?” बिसि चेलामैंइ खें-खेंमैं न्‍होंर्न ङ्योएबर होंइ।