लूका 9:43 - परमेश्‍वरए ताँ तमु क्युइर

⁴³ परमेश्‍वरए च्हौ थेबै शक्‍ति म्रोंसि चमैं ताँन् प्लेटोयाइ। धै येशूजी लब्ब्रें लबै केमैंउँइँले ताँन् म्हिमैं अचम्‍मा तब् म्रोंसि खीजी ह्रोंसए चेलामैने बिइ,

लूका 9:43 ပူးပေါင်းရင်းမြစ်များ

भजनमैं 139:14

ङ औदिले छेन्ले बनेइमुँ, छतसि ङ क्हिए मिं थेब् लमुँ। क्हिए केमैं औदिबै मुँ बिब ङइ छेनाले सेइमुँ।

मत्ती 17:22

खेंमैं धबै गालील ह्‍युलर खागु तमा येशूजी चमैंने बिइ, “म्हिए च्ह म्‍हिमैंए योर पिंवाब्मुँ।

मर्कूस 6:51

च्हौ बिसि येशू चमैंए डुँङ्गार क्रेइ। खी डुँङ्गार क्रेबै तोदोंन् खैं टियाइ। छ तब् म्रोंसि चमैं प्लेटोयाइ,

लूका 18:43

येशूजी छ बिबै तोदोंन् चए मि म्रोंयाँइ। झाइले च सैं तोंदै परमेश्‍वरए मिं क्वेदै येशूए लिलि प्रयाइ। छतब् म्रोंसि ताँन् म्हिमैंज्यै या परमेश्‍वरए मिं क्वेबर होंइ।

लूका 4:36

छ तब् म्रोंसि ताँन् म्‍हिमैं प्लेटोयासि “चु खैतबै ताँ जा? चुइमि हग नेरो शक्‍ति मुँल्‍ले मोंमैं हौदिबै तोदोंन् मोंमैं छ्युडिह्‍यामना बिसि ह्रों-ह्रोंसन् ताँ लबर होंइ।”

लूका 5:26

छाब् म्रोंसि चर्बै ताँन् म्हिमैं प्लेटोयाइ। धै परमेश्‍वरए के म्रोंसि बेल्‍ले ङ्हिंसि खीए मिं थेब लदै “तिंयाँ ङिंइ औदिबै के म्रोंइ,” बिइ।

लूका 5:9

च्‍हौ ल्‍हें ताँग स्याब् म्रोंसि सिमोन नेरो चए थुमैं ताँन् प्लेटोयाइ।

लूका 8:25

झाइले येशूजी खीए चेलामैंने बिइ, “क्‍हेमैंए बिश्‍वास खनि ह्‍याइ?” चमैं ङ्हिंसि प्लेटोयाइ धै खें-खेंमैं न्होंर “चु म्हि खाब् मुँगे? नाँ खैं नेरो क्युए भेल्गालाज्यै या खीजी च्याँ तयाद् बिमा चमैंज्यै या खीजी बिब ङिंब!” बिबर होंइ।

लूका 9:42

च कोलो पसि खरिमा मोंइ धबै सर प्‍योवासि स्याला म्हाला लवाइ। छतमा येशूजी च मोंलाइ हौदिसि च कोलो सल् लमिंसि चए आबाने पिंइ।

२ पत्रुस 1:16

ङ्योए प्रभु येशू ख्रीष्‍टए शक्‍तिए बारेर नेरो खी धबै युब्मुँ बिबै ताँ ङिइ क्‍हेमैंने बिल। चु ताँ म्हिमैंइ पार्दिबै स्योलिबै ताँमैं आङिं। खीए थेबै शक्‍तिए औदिबै केमैं ङिए मिइन म्रोंल।