लूका 9:35 - परमेश्‍वरए ताँ तमु क्युइर

³⁵ झाइले न्‍हाँम्‍स्यो न्‍होंउँइँले “चु ङइ त्हाँबै ङए च्‍ह ग। चइ बिबै ताँ छेनाले थेद्,” बिबै कै चमैंइ थेइ।

लूका 9:35 ပူးပေါင်းရင်းမြစ်များ

मत्ती 12:18

“ङ्ह्‍योत्ति, ङए के लबै म्हि, खीलाइ ङइ त्हाँइमुँ। ङइ खीलाइ खोम्, खी म्रोंसि ङ बेल्‍ले सैं तोंइमुँ। खीए फिर ङए प्ल्ह कुल्मिंब्मुँ। छतसि खीजी ताँन् ह्रें-ह्रेंमैंए फिर निसाफ लब्‍मुँ।

मत्ती 3:17

झाइले “चु ङइ खोबै च्‍ह ग, चु म्रोंसि ङ बेल्‍ले सैं तोंइमुँ बिबै कै घ्रि स्वर्गउँइँले युइ।”

मर्कूस 1:11

च तोदोंन् “क्हि ङइ खोबै च्ह ग, क्‍हि म्रोंसि ङ बेल्‍ले सैं तोंइमुँ!” बिबै कै घ्रि स्वर्गउँइँले थेइ।

लूका 3:22

झाइले परमेश्‍वरए पबित्र प्ल्ह तोंगुए क्‍होले येशूए फिर युसि टिइ। धै “क्‍हि ङए खोबै च्‍ह ग, क्‍हि म्रोंसि ङ बेल्‍ले सैं तोंइमुँ,” बिबै कै स्‍वर्गउँइँले युइ।

लूका 9:34

पत्रुसइ छ बिरिमा न्‍हाँम्‍स्यो युसि खेंमैंलाइ हुवाइ। खैंमैंलाइ छले न्हाँम्स्योइ हुवाब् म्रोंसि चमैं बेल्‍ले ङ्हिंयाँइ।

यूहन्‍ना 12:28

छतसि, ओ आबा, क्‍हिए मिंए थेबै मान तल् पिंन्।” बिबै तोदोंन् “ङए मिंए मान ङइ तल् पिंइँमुँ, धबै तल् पिंब्मुँ बिबै कै घ्रि स्‍वर्गउँइँले युइ।”

यूहन्‍ना 3:16

तलेबिस्याँ खीए च्हए फिर बिश्‍वास लब्मैं खाबै या नास आतरिगे, बरु खोंयोंइ आनुबै छ्ह योंरिगे बिसि परमेश्‍वरजी ह्‍युलर्बै म्हिमैंने ल्‍हें म्हाँया लसि खीए घ्रि दे मुँबै च्‍ह पिंइ।

हिब्रू 2:3

खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।

हिब्रू 3:15

परमेश्‍वरए छ्वेर छले बिइमुँ, “तिंयाँ क्‍हेमैंइ परमेश्‍वरजी बिबै ताँ थेइ बिस्‍याँ, क्हेमैंए खेमैंइ परमेश्‍वरए बिरोध लब् धोंले ह्रोंसए सैं सारो आलद्।”

हिब्रू 5:9

खी ताँन् जाँचउँइँले पास तल् खाँसि खीए ताँ म्हाँदिब्‍मैं ताँनए ल्हागिर खी खोंयोंइ आखाँबै छ्हए मुल तइमुँ।