लूका 9:32 - परमेश्‍वरए ताँ तमु क्युइर

³² पत्रुस नेरो चए थुमैं न्‍हरु च्‍हुइरिल। छोरमा बेल्‍ले चारबै ह्‍वेर येशूने बालु म्हि ङ्हिं रारिब चमैंइ म्रोंइ।

लूका 9:32 ပူးပေါင်းရင်းမြစ်များ

मर्कूस 14:40

धबै एखमा खीजी चमैं न्‍हरु च्‍हुइरिब् स्‍याइ। तलेबिस्याँ चमैंए मि न्हरुइ फैल् आखाँल। छतसि “खीने तो ज्वाफ पिंब् ङ्‍हे?” बिसि चमैंइ था आसेल।

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 17:24

“ओ आबा, चु ह्‍युल बनेब् भन्दा ओंसों ओंनोंन् क्हिजी ङलाइ म्हाँया लसि थेबै मान पिंइ। क्हिजी ङने पिंबै म्हिमैं ङए थेबै मान म्रोंबर चमैं ङ टिबै क्ल्ह्‍योरि ङने बालुन् तरिगे बिब ङए सैं मुँ।

२ पत्रुस 1:16

ङ्योए प्रभु येशू ख्रीष्‍टए शक्‍तिए बारेर नेरो खी धबै युब्मुँ बिबै ताँ ङिइ क्‍हेमैंने बिल। चु ताँ म्हिमैंइ पार्दिबै स्योलिबै ताँमैं आङिं। खीए थेबै शक्‍तिए औदिबै केमैं ङिए मिइन म्रोंल।

१ यूहन्‍ना 3:2

ङइ खोबै थुमैं, ङ्यो तोगो परमेश्‍वरए प्‍हसेमैं ग। प्‍हँना लिउँइँ ङ्यो खै तम् बिसि तोगो बिल् आखाँ, दिलेया ङ्योइ चु ताँ घ्रि सेइमुँ: ख्रीष्‍ट युबै त्हिंइर खी खैब मुँ छाबन् खीलाइ ङ्योइ छेनाले म्रोंब्‍मुँ। छतसि च त्हेर ङ्यो या खी धोंन् तब्‍मुँ।