लूका 9:22 - परमेश्‍वरए ताँ तमु क्युइर

²² खीजी धबै बिइ, “परमेश्‍वरउँइँले कुल्‍मिंबै म्हिए च्हजी ल्हें दुःख नोल् त्हुम्। ख्रो पिंबै खेगि चिब्मैं, शास्‍त्रिमैं नेरो अरू चिबनाँब्मैंइ खैच्हिजी लसि खीलाइ सैवाब्‍मुँ, दिलेया सोंरोंर धबै सोगों तसि रेइ खब्‍मुँ।”

लूका 9:22 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

मत्ती 17:12

ङ क्हेमैंने बिमुँ, एलिया युल् खाँइमुँ, दिलेया म्‍हिमैंइ चलाइ ङो आसेसि खैच्हिजी लइ। छलेन म्हिए च्हज्यै या चमैंउँइँले थेबै दुःख योंब्मुँ।”

मत्ती 17:22

खेंमैं धबै गालील ह्‍युलर खागु तमा येशूजी चमैंने बिइ, “म्हिए च्ह म्‍हिमैंए योर पिंवाब्मुँ।

मत्ती 27:63

चमैंइ पिलातसने बिइ, “ओ चिब, च स्योर्गुइ सोगों मुँमा ‘ङ सियालेया सोंरोंर धबै सोगों तसि खब्मुँ’ बिल। चइ बिबै ताँ ङिइ चिरिइमुँ।

मर्कूस 8:31

झाइले येशूजी चेलामैंने “म्हिए च्हजी ल्‍हें दुःख सैदिल् त्‍हुम्। चिबनाँब्मैं, ख्रो पिंबै खेगि चिब्मैं नेरो शास्‍त्रिमैंइ ङ म्‍हि आच्‍हिसि सैबर ल्हैदिम्। दिलेया सिबै सोंरोर ङ धबै सोगों तसि रेखब्मुँ बिसि लोमिंबर होंइ।”

मर्कूस 9:31

तलेबिस्याँ खीजी ह्रोंसए चेलामैंने लोमिंबै तोंन् मुँल। खीजी चमैंने बिइ, म्हिए च्ह क्हासि म्‍हिमैंए योर पिंवाब्मुँ, धै चमैंइ खी सैवाब्‍मुँ, दिलेया सिबै सोंरो लिउँइँ धबै खी सोगों तसि खब्मुँ।

लूका 17:25

दिलेया खीजी ओंसों ल्हें दुःख सैदिल् त्हुब्मुँ, धै चु पुस्तार्बै म्हिमैंइ खीलाइ म्हि आच्हिसि खीए फिर बिश्वास आल।

लूका 24:26

परमेश्‍वरजी कुल्मिंबै जोगेमिंबै म्रुँ ख्रीष्‍टजी छाबै दुःख योंल् त्‍हुम्। झाइले ह्रोंसए मान योंबै कल्ह्‍योर ह्‍याल् आत्हु वा?”

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

लूका 24:7

‘परमेश्‍वरजी कुल्‍मिंबै म्‍हिए च्ह पापि म्‍हिमैंए योर फेब्मुँ, क्रूसर च्‍योवाब्मुँ। दिलेया सोंरोर सोगों तसि रेल् त्‍हुम्,’ बिब आङिं वा?”

लूका 9:44

“ङइ बिबर होंबै ताँ क्हेमैंइ छेनले सैंर थेंन्, तलेबिस्याँ म्‍हिमैंइ ङ म्हिए च्हलाइ म्‍हिमैंए योर सुम्‍पिदिवाब्‍मुँ।”

१ कोरिन्थी 15:4

म्‍हिमैंइ खीलाइ पाइ, दिलेया परमेश्‍वरए छ्वेर प्‍ह्रिब् धोंले सोंरोर परमेश्‍वरजी खीलाइ धबै सोगों लमिंइ।

१ पत्रुस 1:11

अगमबक्‍तामैंइ चु खैले तम् खोंयों तम् बिसि क्होल् म्हैरिल। ख्रीष्‍टजी ल्हें दु:ख नोल् त्हुब्मुँ धै लिउँइँ थेबै मान योंब्मुँ बिसि ओंसोंन् ख्रीष्‍टए प्ल्हजी चमैंलाइ उँइँमिंल।