लूका 9:20 - परमेश्‍वरए ताँ तमु क्युइर

²⁰ झाइले येशूजी “क्‍हेमैंइन ङलाइ खाब् बिम्दि?” बिसि चमैंने बिइ। छबिमा पत्रुसइ बिइ, “क्‍हिम् परमेश्‍वरजी कुल्मिंबै म्रुँ ग।”

लूका 9:20 ပူးပေါင်းရင်းမြစ်များ

मत्ती 22:42

“परमेश्‍वरजी कुल्मिंबै म्रुँ ख्रीष्‍टए बारेर क्‍हेमैं खै ङ्हाँम्? खी खाबै च्ह जा?” चमैंइ “दाऊदए च्ह ग,” बिइ।

मत्ती 26:63

दिलेया येशू तोइ आबिल्‍ले टिरिइ। धै ख्रो पिंबै खेगि क्रथेइ येशूने बिइ, “सोगों परमेश्‍वरए मिंर कसम चसि बिद्। क्‍हि परमेश्‍वरजी कुल्मिंबै म्रुँ ख्रीष्‍ट, परमेश्‍वरए च्‍ह वा?”

मत्ती 5:47

क्‍हेमैंइ ह्रोंसए म्हिमैंलाइ मत्‍त्रे छ्याँब् लइ बिस्याँ अरूइ भन्दा थेबै के तो लइ रो? परमेश्‍वर आम्हाँदिब्मैंज्‍यै या छान् आल रो वा?

मर्कूस 14:61

दिलेया येशू तोइ आबिल्‍ले टिइ, ज्वाफ घ्रि या आपिं। ख्रो पिंबै खेगि क्रथेइ धबै येशूने “क्‍हि पबित्र परमेश्‍वरए च्‍ह खीजी कुल्मिंबै म्रुँ ख्रीष्‍ट वा?” बिसि ङ्योएइ।

मर्कूस 8:29

येशूजी चमैंने “क्‍हेमैंइ ङलाइ खाब् बिम्दि?” बिसि ङ्योएमा। पत्रुसइ येशूने बिइ, “क्‍हिम् परमेश्‍वरजी कुल्मिंबै म्रुँ ख्रीष्‍ट ग।”

लूका 22:67

“क्‍हि परमेश्‍वरजी कुल्‍मिंबै म्रुँ ख्रीष्‍ट ग बिस्‍याँ ङिने बिद्।” येशूजी चमैंने बिइ, “ङइ बिनाबिलेया क्‍हेमैंइ आक्वें।

लूका 9:19

चेलामैंइ बिइ, “कोइ ‘क्युर प्ल्हुँसि बप्‍तिस्मा पिंबै यूहन्‍ना’ बिमुँ, कोइ ‘स्‍योंम्‍बै एलिया’ बिमुँ, कोइ ‘अगमबक्‍तामैं न्होंर्बै घ्रि धबै सोगो तसि खना,’ बिमुँ।”

यूहन्‍ना 1:41

चइ ह्रोंसए आघें सिमोनने त्होसि बिइ, “ङिइ मसीह त्होइ।” (मसीह बिब ग्रिक क्युइर परमेश्‍वरजी कुल्मिंबै म्रुँ ख्रीष्‍ट ग।)

यूहन्‍ना 1:49

नथानेलइ खीने बिइ, “रब्बि, क्‍हि परमेश्‍वरए च्‍ह ग! क्हि इस्राएलर्बै म्रुँ ग!”

यूहन्‍ना 11:27

मार्थाइ खीने बिइ, “अँ प्रभु, क्‍हि परमेश्‍वरए च्ह ख्रीष्‍ट ह्‍युलर युब् ग बिसि ङ क्वेंम्।”

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

यूहन्‍ना 4:29

“खो, म्हि घ्रि ङ्‍ह्‍योबर खो! ङइ लबै तोन्दोंरि केमैं खीजी बिमिंइ। खनिज्यै खीन् परमेश्‍वरजी कुल्मिंबै म्रुँ ख्रीष्‍ट मुँइ उ?”

यूहन्‍ना 4:42

चमैंइ च च्हमिरिने बिइ, “तोगो क्‍हिइ बिबै ताँ थेसि ङिइ खीए फिर बिश्‍वास लब आङिं, दिलेया ङिइ ह्रोंसइन खीए ताँ थेबइले क्ह्रोंसेंन खी ताँन् ह्‍युलर्बै मुक्‍तिदाता मुँन बिसि ङिइ सेइमुँ।”

यूहन्‍ना 7:41

को-कोइ “खी परमेश्‍वरजी कुल्मिंबै म्रुँ ख्रीष्‍ट ग,” बिइ। दिलेया को-कोइ “म्रुँ ख्रीष्‍ट गालीललउँइँले खम् रो वा?” बिइ।

चेला चिब्मैंए केमैं 17:3

“परमेश्‍वरजी कुल्मिंबै म्रुँ ख्रीष्‍टजी क्ह्रोंसेंन दुःख नोसि सिबउँइँले धबै सोगों तल् त्हुमल। येशूउँइँले खबै सैं तोंबै ताँ ङ क्हेमैंने बिमिंम्। खीन् परमेश्‍वरजी कुल्मिंबै म्रुँ ख्रीष्‍ट ग!” बिसि चइ परमेश्‍वरए छ्वेउँइँले प्रमाण उँइँइ।

चेला चिब्मैंए केमैं 8:36

धै चमैं घ्‍याँर ह्‍याना-ह्‍यान् क्‍यु मुँबै क्‍ल्‍ह्‍यो ङाँर फेनेमा च हिचडइ बिइ, “ङ्‍ह्‍योत्ति, चुर क्यु मुँन। ङ बप्‍तिस्मा किंबउँइँले तो सैइ क्वेल् खाँम्?”

चेला चिब्मैंए केमैं 9:22

दिलेया शाऊल आङ्हिंनले येशूए ताँ बिमिंबर भोंब् ततै ह्‍याइ, धै येशून् परमेश्‍वरजी कुल्मिंबै म्रुँ ख्रीष्‍ट ग बिसि प्रमाण पिंमा दमस्कसर्बै येहूदिमैंइ अकमक्‍क तसि तोइ ज्वाफ पिंल् आखाँ।

१ यूहन्‍ना 5:1

“परमेश्‍वरजी कुल्‍मिंबै म्रुँ ख्रीष्‍ट येशू ग” बिसि बिश्‍वास लबै म्हि परमेश्‍वरए प्‍हसे ग, आबालाइ म्हाँया लबै म्हिइ च्हलाज्यै सैं न्होंउँइँलेन् म्हाँया लम्।