लूका 9:19 - परमेश्‍वरए ताँ तमु क्युइर

¹⁹ चेलामैंइ बिइ, “कोइ ‘क्युर प्ल्हुँसि बप्‍तिस्मा पिंबै यूहन्‍ना’ बिमुँ, कोइ ‘स्‍योंम्‍बै एलिया’ बिमुँ, कोइ ‘अगमबक्‍तामैं न्होंर्बै घ्रि धबै सोगो तसि खना,’ बिमुँ।”

लूका 9:19 ပူးပေါင်းရင်းမြစ်များ

मत्ती 14:2

चु ताँ थेसि हेरोदइ ह्रोंसए के लब्मैंने बिइ, “च क्‍युर प्‍ल्हुँसि बप्‍तिस्‍मा पिंबै यूहन्‍ना ग। च सिसेया धबै सोसि खना। छतसि चइ छाबै औदिबै के लबै शक्‍ति योंइमुँ।”

मत्ती 3:1

च त्हेर बप्‍तिस्‍मा पिंबै यूहन्‍ना यहूदीया ह्‍युलर्बै क्यु आयोंबै क्ल्ह्‍योजरे खसि परमेश्‍वरए ताँ छले बिमिंबर होंइ।

मर्कूस 6:14

येशूजी लबै केए बारेर्बै ताँमैं खन्तोदोंन् थेनेल। छतसि हेरोद म्रुँज्यै या खीए बारेर्बै ताँ थेइ। को-कोइइ “बप्‍तिस्‍मा पिंबै यूहन्‍ना सिबउँइँले सोसि खना! छतैग चइ औदिबै केमैं लल् खाँना बिमल।”

मर्कूस 6:15

दिलेया कोइइ, “चुम् एलिया बिबै अगमबक्‍ता ग,” बिइ। को-कोइइ “चुम् स्‍योंम्‍बै अगमबक्‍तामैं न्होंर्बै घ्रि धों तब् ग,” बिइ।

लूका 9:18

तिगें येशू खी घ्रिन् प्राथना लरिमा चेलामैं या खी ङाँर्न मुँल। प्राथना लल् खाँसि खीजी चेलामैंने “म्‍हिमैंइ ङलाइ खाब् बिम्?” बिसि ङ्योएइ।

लूका 9:20

झाइले येशूजी “क्‍हेमैंइन ङलाइ खाब् बिम्दि?” बिसि चमैंने बिइ। छबिमा पत्रुसइ बिइ, “क्‍हिम् परमेश्‍वरजी कुल्मिंबै म्रुँ ग।”

यूहन्‍ना 1:21

चमैंइ चने ङ्योएइ, “छ बिस्‍याँ क्‍हि खाब् जा? क्हि एलिया वा?” यूहन्‍नाइ बिइ, “ङ आङिं।” च्हमा चमैंइ ङ्योएइ, “क्हि च अगमबक्‍ता वा?” चइ बिइ, “ङ आङिं।”

यूहन्‍ना 1:25

यूहन्‍नाने ङ्योएइ, “क्‍हि परमेश्‍वरजी कुल्मिंबै म्रुँ ख्रीष्‍ट या आङिं, एलिया या आङिं, धै अगमबक्‍ता या आङिं, बिस्याँ क्हिइ म्हिमैं तले क्‍युर प्‍ल्हुँसि बप्‍तिस्‍मा पिंरिमुँ?”

यूहन्‍ना 7:40

येशूजी बिबै ताँ थेसि को-कोइ म्हिमैंइ बिइ, “क्‍ह्रोंसेंन खिम् युल् त्हुबै अगमबक्‍ता मुँन।”

यूहन्‍ना 9:17

“चइ क्हिए मि म्रोंल् लमिंसेरो तारे चए बारेर क्हिइ तो बिम्दि?” बिसि चमैंइ च म्हिने ङ्योएमा चइ बिइ, “खी अगमबक्‍ता ग।”