लूका 9:16 - परमेश्‍वरए ताँ तमु क्युइर

¹⁶ झाइले येशूजी च क्‍हें ङ्‌हबो नेरो ताँग ङ्हिं छेसि मुउँइँ ङ्‍ह्‍योसि परमेश्‍वरलाइ धन्‍यबाद पिंसि क्‍हें लुँइ, धै “हुलमैं चुमिंन्” बिसि चेलामैंने पिंइ।

लूका 9:16 ပူးပေါင်းရင်းမြစ်များ

मत्ती 14:19

झाइले खीजी म्‍हिए हुल चउरर क्हुँबर ल्‍हैदिइ। धै च क्‍हें ङ्‌हबो नेरो ताँग ङ्हिं योर छेसि स्‍वर्गउँइँ ङ्‌ह्‍योसि परमेश्‍वरलाइ धन्‍यबाद पिंइ। धै क्‍हें लुँसि चेलामैंने पिंइ। चेलामैंइ म्‍हिए हुलमैं चुमिंइ।

मत्ती 15:36

येशूजी क्‍हें ङिबो नेरो ताँग योर छेसि परमेश्‍वरलाइ धन्‍यबाद पिंइ। धै क्‍हें लुँसि चेलामैंने पिंइ, झाइले चेलामैंइ च म्‍हिमैंलाइ चुमिंइ।

मर्कूस 7:34

झाइले येशूजी मुउँइँ ङ्‌ह्‍योसि ह्रिंग्‍यो सो सेंसि चने “इफ्‍फाता” बिइ। (छ बिब “थोंयाँन्” बिब् ग।)

लूका 22:19

झाइले येशूजी योर क्हें किंइ धै परमेश्‍वरलाइ धन्‍यबाद पिंसि क्‍हें लुँसि चेलामैं चुमिंसि बिइ, “चु क्‍हें ङए ज्यु ग। क्‍हेमैंए ल्हागिर ङए ज्यु ख्रो पिंब् ग। छतसि ङ मैंबै ल्हागिरि छलेन् क्हें चब्रें लद्।”

लूका 24:30

चमैंने बालु चब् चबर क्हुँमा खीजी क्‍हें किंसि परमेश्‍वरलाइ धन्यबाद पिंइ, धै क्‍हें लुँसि चमैंलाइ पिंइ।

लूका 9:15

चमैंइ म्हिमैं छलेन् क्‍हुँबर ल्हैदिइ।

लूका 9:17

झाइले चेलामैंइ क्हें चुमिंइ, धै चमैं ताँनइ म्रेंन्ले चसेया ङैबै क्हें लुँठेमैं च्युसे ङ्हिं ट्‍हलो चेलामैंइ खुइ।

यूहन्‍ना 6:11

झाइले येशूजी च क्‍हें किंसि परमेश्‍वरलाइ धन्‍यबाद पिंइ, धै क्हुँबै म्हिमैं चुमिंइ। छलेन ताँगै या चुमिंइ। चमैंइ म्रेंन्ले चइ।

यूहन्‍ना 6:23

च त्हेर्न तिबेरियास बिबै नाँसउँइँले अरू डुँङ्गामैं येशूजी धन्यबाद पिंसि म्हिमैंलाइ क्हें चल् पिंबै क्ह्‍योर फेखइ।

चेला चिब्मैंए केमैं 27:35

छबिसि पावलइ क्हें किंसि ताँनए उँइँर परमेश्‍वरलाइ धन्यबाद पिंइ, धै क्हें लुँसि चबर होंइ।

रोमी 14:6

कोइ त्हिंइ छ्याँब कोइ त्हिंइ आछ्याँब बिबै म्हिइ परमेश्‍वरए मान तरिगे बिसिन् छ बिब् ग। झाइले से चबै म्हिज्यै या परमेश्‍वरए मान तरिगे बिसिन् चब् ग, छलेन से आचबै म्हिज्‍यै या परमेश्‍वरए मान तरिगे बिसिन् आचब् ग, तलेबिस्याँ परमेश्‍वरए म्हिमैंइ तोन् ललेया खीलाइ धन्‍यबाद पिंम्।

१ कोरिन्थी 10:30

ङइ परमेश्‍वरलाइ धन्‍यबाद पिंसि चबै सै चइ बिस्‍याँ अरूमैंइ तले ङए ताँ लल् त्हुइ?

१ कोरिन्थी 11:24

झाइले परमेश्‍वरलाइ धन्‍यबाद पिंसि क्‍हें लुँसि छ बिइ, “चु क्‍हें क्‍हेमैंए ल्हागिर ङए ज्यु ग। ङलाइ मैंबै ल्हागिर चब्रें लद्।”