लूका 9:12 - परमेश्‍वरए ताँ तमु क्युइर

¹² झाइले त्‍हिंयाँ लिबि छेमा च्युसे ङ्हिं चेलामैं येशू ङाँर खसि बिइ, “चुर धिंमैं आरे। छतसि चु हुलमैं चु खागुबै नाँसजरे ह्‍यासि चबै सै नेरो टिबै क्ल्ह्‍यो म्‍हैरिगे बिसि चुमैं कुलद्।”

लूका 9:12 ပူးပေါင်းရင်းမြစ်များ

मत्ती 14:13

छले यूहन्‍ना सैवाइ बिबै ताँ थेबै लिउँइँ येशू खी घ्रिन् डुँङ्गार क्रेसि खाबै आरेबै क्‍ल्‍ह्‍योर ह्‍याइ। येशू ह्‍याइ रो बिब् थेसि नाँसउँइँले म्‍हिए हुल प्हलेइ प्रसि खीए लिलि ल्‍हैदिइ।

मत्ती 15:23

दिलेया येशूजी चने तोइ ज्वाफ आपिं। छतमा खीए चेलामैं खसि यो छ्युँ लसि च च्हमिरि ओरदै ङ्योए लिलि खरिइमुँ “च च्हमिरि कुल्मिंन्,” बिइ।

मत्ती 15:32

येशूजी खीए चेलामैं खी ङाँर हुइसि बिइ, “चु म्‍हिमैं म्रोंसि ङए सैंर ल्‍हयो खइमुँ। सोंरो ओंनोंन् चुमैं ङने मुँ, तोगो चुमैंने चबै सै या तोइ आरे। ङइ चुमैं फोदेंन् खेंमैंए धिंर कुलदा आङ्हाँ। छलेन् कुलस्‍याँ चुमैं घ्‍याँर्न फो ख्रेंसि प्रलन् आखाँन् तयाब्मुँ।”

लूका 9:11

दिलेया म्हिमैंइ खी छले ह्‍याब सेसि म्‍हिए हुल येशू ङाँर खइ। छले खमा खीजी परमेश्‍वरए ग्याल्सर्बै बारेर चमैंलाइ बिमिंइ। धै नब् छब्मैं या सल् लमिंइ।

लूका 9:13

दिलेया येशूजी चमैंने बिइ, “क्‍हेमैंइन चमैं चल् पिंन्।” छबिमा चेलामैंइ बिइ, “ङिने बालु चबै सै ल्‍हें आरे। क्‍हें ङ्‌हबो नेरो ताँग ङ्हिं मत्‍त्रे मुँ। आतस्याँ ङि ह्‍यासि चुमैंए ल्हागिर चबै सै किंसि पल् त्हुलै।”

यूहन्‍ना 6:1

चु ताँमैं तबै लिउँइँ येशू गालील अथवा तिबेरियस बिबै मा ङ्युँइ क्योंजा ह्‍याइ।

फिलिप्पी 1:19

ओं, ङ तोंब्मुँ, तलेबिस्याँ क्हेमैंए प्राथना नेरो येशू ख्रीष्‍टए प्ल्हजी ल्होमिंबइले युनन् ङ झेलउँइँले त्होंल् योंब्मुँ बिब ङइ सेइमुँ।