लूका 8:54 - परमेश्‍वरए ताँ तमु क्युइर

⁵⁴ दिलेया येशूजी च च्हमिरि कोलोए योर क्‍हासि “ओ च्हमिच्‍यों रेद्,” बिमा

लूका 8:54 ပူးပေါင်းရင်းမြစ်များ

मत्ती 9:25

च म्‍हिए हुल बैरु तेवाबै लिउँइँ येशू कोलो मुँबै कोठार होंसि कोलोए योर क्‍हामा च कोलो सोगों तसि रे‍याइ।

मर्कूस 1:31

येशू च नबै म्हि मुँबै क्‍ल्‍ह्‍योर ह्‍यासि चए यो क्‍हासि रेमिंइ। च तोदोंन् चए जर सयाइ। धै चइ खेंमैंए ल्हागिर चब् लबर होंइ।

मर्कूस 8:23

छलमा येशूजी च मि आम्रोंबै म्‍हिए योर क्‍हासि नाँसउँइँले बैरु बोइ। झाइले चए मिर तु फोमिंसि चए मिर ह्रोंसए यो थेंसि “क्‍हिइ म्रोंल् खाँम् उ आखाँ?” बिसि चने ङ्योएइ।

मर्कूस 9:27

दिलेया येशूजी चए यो क्‍हासि रेमिंमा च कोलो सोगों तयाइ।

लूका 8:51

झाइले याइरसए धिंर फेनेसि येशूजी पत्रुस, याकूब, यूहन्‍ना नेरो च्हमिरि कोलोए आबा-आमा बाहेक अरू खाबलाज्यै या खीने बालु धिं न्‍होंर होंल् आपिं।

लूका 8:53

च कोलो सियाल् खाँइ बिब् सेसि चमैंइ येशूए बिल्‍लि लबर होंइ। तलेबिस्याँ च कोलो क्ह्रोंसेंनन् सियाल् खाँल।

लूका 8:55

च च्हमिरि कोलो सोसि युन्ले रेइ। धै येशूजी “चु कोलोलाइ चबै सैमैं पिंन्” बिसि ल्हैदिइ।

यूहन्‍ना 11:43

चु ताँ बिबै लिउँइँ खीजी थेबै कैले “लाजरस, बैरु त्होंइ खो बिसि ओरइ।”

यूहन्‍ना 5:21

तलेबिस्याँ खैले आबाजी सियाब्‍मैं सोगों लमिंसि छारा छ्ह पिंमुँ, छलेन च्हज्यै या खाबलाइ छ्ह पिंदा ङ्हाँमुँ, चमैंलाइ छ्ह पिंब्मुँ।

चेला चिब्मैंए केमैं 9:40

झाइले पत्रुसइ चमैं ताँन् बैरु कुल्मिंसि च्हि तुँसि परमेश्‍वरने प्राथना लइ। धै च सिनु ङाँइ तोसि, “तबिता, रेद्!” बिमा चइ मि ङ्‍ह्‍योइ, झाइले पत्रुस म्रोंसि रेसि क्हुँइ।

रोमी 4:17

परमेश्‍वरए छ्वेर छले प्ह्रिइमुँ, “ङइ क्‍हिलाइ ह्रें-ह्रेंमैंए खे तल् पिंइमुँ।” अब्राहामइ परमेश्‍वरए फिर बिश्‍वास लबइले परमेश्‍वरए उँइँर अब्राहाम ङ्यो ताँनए खे ग। परमेश्‍बरजी सियाबै म्हिलाइ सोगों लमिंम्, धै म्‍हिमैंइ लल् आखाँबै सै या खीजी पोंसि तल् लमिंम्।