लूका 8:51 - परमेश्‍वरए ताँ तमु क्युइर

⁵¹ झाइले याइरसए धिंर फेनेसि येशूजी पत्रुस, याकूब, यूहन्‍ना नेरो च्हमिरि कोलोए आबा-आमा बाहेक अरू खाबलाज्यै या खीने बालु धिं न्‍होंर होंल् आपिं।

लूका 8:51 ပူးပေါင်းရင်းမြစ်များ

मर्कूस 14:33

बिसि पत्रुस, याकूब नेरो यूहन्‍ना खीने बालुन् बोइ। च्हमा खीए सैंर सैदिल् आखाँबै दुःख तसि बेल्‍ले आतिदिरिल।

लूका 6:14

कुल्मिंबै चेला चिब्मैंए मिं छले मुँ: सिमोन (चए मिं येशूजी पत्रुस थेंइ) चए अलि अन्‍द्रियास, याकूब, यूहन्‍ना, फिलिप नेरो बारथोलोमाइ,

लूका 8:50

चु ताँ थेसि येशूजी याइरसने बिइ, “आङ्हिंन्! ङए ताँ क्वेंन्! क्‍हिए च्हमि सोब्‍मुँ।”

लूका 8:52

चर ताँन् म्‍हिमैं क्रोरिल। झाइले येशूजी चमैंने “आक्रोद्, कोलो आसिइमुँ, न्‍हरु च्‍हुइरिब् ग,” बिइ।

लूका 9:28

चु ताँ बिबै सद घ्रि लिउँइँ पत्रुस, याकूब नेरो यूहन्‍ना बोसि प्राथना लबर खी कोंउँइँ ह्‍याइ।

चेला चिब्मैंए केमैं 9:40

झाइले पत्रुसइ चमैं ताँन् बैरु कुल्मिंसि च्हि तुँसि परमेश्‍वरने प्राथना लइ। धै च सिनु ङाँइ तोसि, “तबिता, रेद्!” बिमा चइ मि ङ्‍ह्‍योइ, झाइले पत्रुस म्रोंसि रेसि क्हुँइ।