लूका 8:49 - परमेश्‍वरए ताँ तमु क्युइर

⁴⁹ येशू च च्हमिरिने पोंरिमा च्हों धिंर्बै चिबए धिंउँइँले म्‍हि घ्रि खसि याइरसने बिइ, “क्‍हिए च्हमि सि‍ल् खाँइ। तारे गुरुलाइ दुःख आपिंरिद्।”

लूका 8:49 ပူးပေါင်းရင်းမြစ်များ

मत्ती 26:10

चमैंइ बिबै ताँ सेसि येशूजी चमैंने बिइ, “क्‍हेमैंइ चु च्हमिरि तले हौदिसि दुःख पिंमुँ? चुइमि ङए ल्हागिर बेल्‍ले छ्याँबै के लइमुँ।

मत्ती 9:18

येशूजी चमैंने चु ताँ बिरिमा यहूदीमैंए चिब घ्रि खसि खीलाइ फ्योसि बिइ, “ङए च्हमि भर्खर्न सियाइ, दिलेया क्हि ह्‍यामिंसि चए फिर क्हिए यो थेंमिंनु। धै च सोब्‍मुँ।”

मर्कूस 5:22

चर्बै च्हों धिंर्बै चिब्मैं न्होंर्बै याइरस बिबै म्‍हि घ्रि चर खइ, धै येशू म्रोंसि खीए प्‍हलेर फ्योसि

लूका 11:7

“दिलेया क्हिए थुइ धिं न्‍होंउँइँले ‘छोरो ङ्हाँन् आबित्ति। ङइ म्रा तोरवाइ। तोगो ङए कोलोमैं ङने बालु न्‍हरु च्‍हुइरिइमुँ। तोगो ङ रेसि क्‍हिलाइ तोइ पिंल् आखाँ,’ बिम्।

लूका 7:6

चमैंए ताँ थेसि येशू चमैंने ह्‍याइ। कप्‍तानए धिंर फेखबि छेमा च कप्‍तानइ ह्रोंसए थुमैं येशू ङाँर छ बिबर कुलइ: “ओ प्रभु, क्‍हि दुःख आयोंरिद् तलेबिस्याँ क्‍हि ङए धिंर खसि टिबै लायकर्बै ङ आरे।