लूका 8:48 - परमेश्‍वरए ताँ तमु क्युइर

⁴⁸ येशूजी च च्हमिरिने बिइ, “ओ च्हमिच्‍यों, क्‍हिए बिश्‍वासइ लमा क्हि सयाइमुँ, छतसि छिं ङ्हाँन्ले ह्‍याद्।”

लूका 8:48 ပူးပေါင်းရင်းမြစ်များ

प्रस्थान 4:18

च लिउँइँ मोशा ह्रोंसए क्यें यित्रो ङाँर एखसि चने बिइ, “यो छ्युँ लम्, मिश्रर मुँबै ङए आघें-अलिमैं सोगों मुँ उ आरे बिसि ङ्‍ह्‍योबर ह्‍याल् पिंन्,” बिमा यित्रोइ मोशाने “तम्, सैं क्होसि ह्‍याद्!” बिइ।

मत्ती 12:20

तियाबै म्वो खीजी चोरिब् आरे सिबि छेबै मेंदों सिल् पिंरिब् आरे। छेनाले निसाफ तरिगे बिसि खीजी खोंयोंइ भों आन्‍हल्‍ले के लब्‍मुँ।

मत्ती 8:13

झाइले येशूजी कप्‍तानने “ह्‍याद्! क्‍हिइ बिश्‍वास लब् धोंन् क्हिलाइ तब्मुँ।” बिबै तोदोंन् कप्‍तानए के लबै म्हि सयाइ।

मत्ती 9:2

चर म्हिमैंइ स्याले तसि नबै म्हि घ्रि खाटनेन् बालु नोसि खी ङाँर पखइ। च म्‍हिमैंइ खीए फिर च्हौ थेबै बिश्‍वास लब् म्रोंसि येशूजी च स्याले म्‍हिने बिइ, “ओ बाबु, सैं थेब् लद्। क्‍हिए पाप क्षमा तइ।”

मत्ती 9:22

येशूजी लिउँइँ तोसि ङ्‍ह्‍योमा च च्हमिरि म्रोंसि बिइ, “ओ च्हमि, आङ्हिंन्, क्हिए बिश्‍वासइ लमा क्हि सयाइमुँ।” छ बिबै तोंदोंन् च च्हमिरि सयाइ।

मर्कूस 5:34

झाइले येशूजी च च्हमिरिने बिइ, “ओ नानि, क्‍हिए बिश्‍वासइ क्‍हि सयाइमुँ। आङ्हिंनले ह्‍याद्, तारे क्हिए नब सयाइ।”

लूका 17:19

च लिउँइँ येशूजी च सामरियाथेंने बिइ, “रेदु, धै ह्रोंसए घ्याँ क्हाद्। क्‍हिए बिश्‍वासइ क्‍हि सइमुँ।”

लूका 18:42

येशूजी चने बिइ, “क्‍हिइ ङए फिर बिश्‍वास लबइले क्हिए मि म्रोंल् खाँब् तयाइमुँ।”

लूका 7:50

दिलेया येशूजी च च्हमिरिने बिइ, “क्‍हिए बिश्‍वासइ लमा क्‍हि जोगेएइमुँ, छिं ङ्हाँन्ले ह्‍याद्।”

लूका 8:47

च्हौ तसेरो तारे लोइ टिरिब आतमना बिब् सेसि च च्हमिरि ङ्हिंसि त्हारदै खीए ओंसों पत्खु तइ। चइ येशूलाइ तले छुइ, धै छुइबै तोदोंन् खी खैले सइ बिबै तोन्दोंरि ताँ म्‍हिमैंए उँइँर बिइ।

चेला चिब्मैंए केमैं 14:9

पावलइ पोंरिमा चइ थेरिल। च ङाँइ ङ्‍ह्‍योमा “ङ सल् खाँम्” बिबै बिश्‍वास चने मुँन बिसि पावलइ सेइ।

२ कोरिन्थी 6:18

ङ क्‍हेमैंए आबा तब्‍मुँ, झाइले क्‍हेमैं ङए च्‍ह-चमिंमैं तब्‍मुँ। बिसि ताँन् भन्दा थेबै शक्‍ति मुँबै याहवेहजी बिइमुँ।”

हिब्रू 4:2

मोशाइ मिश्र ह्‍युलउँइँले तेइ पखबै इस्राएलीमैंइ धोंले ङ्योज्‍यै या सैं तोंबै ताँ थेइमुँ। दिलेया चमैंइ सैं तोंबै ताँ थेलेया आक्वें छतसि चमैंलाइ तोइ फायदा आत।