लूका 8:46 - परमेश्‍वरए ताँ तमु क्युइर

⁴⁶ दिलेया येशूजी बिइ, “म्‍हि घ्रिइ ङलाइ छुइबन् ग। तलेबिस्याँ ङ ङाँउँइँले शक्‍ति त्‍होंह्‍याब ङइ सेल।”

लूका 8:46 ပူးပေါင်းရင်းမြစ်များ

लूका 5:17

तिगें येशूजी परमेश्‍वरए ताँ म्हिमैंने लोमिंरिमा गालील नेरो यहूदीया ह्‍युलर्बै ताँन् नाँसउँइँले धै यरूशलेमउँइँले खबै फरिसीमैं नेरो शास्‍त्रिमैं या येशूए रेर क्हुँरिल। याहवेह परमेश्‍वरए नब् सल् लबै शक्‍ति येशूने मुँल।

लूका 6:19

ताँन् म्‍हिमैंइ येशूलाइ छुइल् म्‍हैमल, तलेबिस्याँ येशूउँइँले शक्‍ति त्होंरिल। छतमा चमैं ताँन् सल् लमल।

लूका 8:47

च्हौ तसेरो तारे लोइ टिरिब आतमना बिब् सेसि च च्हमिरि ङ्हिंसि त्हारदै खीए ओंसों पत्खु तइ। चइ येशूलाइ तले छुइ, धै छुइबै तोदोंन् खी खैले सइ बिबै तोन्दोंरि ताँ म्‍हिमैंए उँइँर बिइ।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।