लूका 8:31 - परमेश्‍वरए ताँ तमु क्युइर

³¹ “ङि सजैं पिंबै ल्हागिर क्रोंर आल्हाद्,” बिसि मोंमैंइ येशूने यो छ्युँ लइ।

लूका 8:31 ပူးပေါင်းရင်းမြစ်များ

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

लूका 8:28

चइ येशू म्रोंबै तोदोंन् चिरदै खीए उँइँर पद्खु तसि थेबै कैले बिइ, “ओ ताँन् भन्दा थेबै परमेश्‍वरए च्‍ह येशू, क्‍हिल ङने तो के मुँ? यो छ्युँ लमुँ, ङलाइ दुःख आपिंन्।”

लूका 8:32

चेंदोर्बै कोंर तिलिए बगाल रेंरिल। धै चमैंइ तिलिमैंए न्होंर होंल् पिंन् बिसि यो छ्युँ लमा येशूजी च मोंमैं ह्‍याल् पिंइ।

रोमी 10:7

छलेन ‘ख्रीष्‍टलाइ सिबउँइँले पखबर क्रोंर खाब् ह्‍याब?’ बिबै सैं या आमैंन्।”

दर्शन 11:7

छले चमैंइ परमेश्‍वरए ताँ बिप्रबै के लल् खाँबै लिउँइँ च क्रोंउँइँले त्होंखबै खेदोइ च ग्वाइ पिंब्‍मैं ङ्हिंने ल्हडें लसि चमैंलाइ ट्होसि सैवाब्‍मुँ।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।

दर्शन 19:20

दिलेया परमेश्‍वरए फौजमैंइ च खेदो नेरो स्योर तेबै अगमबक्‍तालाइ क्‍हाइ। (च स्योर तेबै अगमबक्‍ताइ च खेदोए उँइँर ओंसों औदिबै चिनुमैं लसि खेदोए छाप किंब्‍मैं नेरो चए कुए पूजा लब्‍मैंलाइ स्योलिबै ताँ पोंसि चमैंए सैं खेंमैं ङाँइ च्यारवाल।) छतसि चमैं ङ्हिं सोगोंन् मि लुँरिबै बारुदए होंल्दोंर भ्योंवाइ।

दर्शन 9:11

च क्रोंर्बै दूत च तिरिमैंए म्रुँ मुँल। हिब्रू क्‍ह्‍युइरि च म्रुँए मिं “एबाड्डोन” ग, ग्रिक क्युइरि चए मिं “अपोल्‍लियोन” ग। च मिंए मतलब नास लब् ग।