लूका 8:24 - परमेश्‍वरए ताँ तमु क्युइर

²⁴ झाइले चेलामैं येशू ङाँर खसि “ओ गुरु, ङ्योम् क्युर प्ल्हुँसि सिबर होंइ,” बिदै खीलाइ छोरवाइ। छबिमा येशू रेसि नाँ खैं नेरो क्‍युए भेल्‍गा हौदिइ। छले हौदिमा नाँ खैं नेरो क्युए भेल्गा च्याँ तयाइ।

लूका 8:24 ပူးပေါင်းရင်းမြစ်များ

भजनमैं 65:7

थेबै कैले ङ्‍हेबै मा ङ्युँइ नेरो चर्बै भेल्गमैं ङ्‍हेब, नेरो ह्रें-ह्रेंमैंइ लबै खैला-बैला क्हिजीन् च्याँ लमिंम्।

मत्ती 14:30

दिलेया खैं सार्लै खब् म्रोंसि च ङ्हिंयाँइ, धै प्ल्हुँह्‍याबि छेमा “ङलाइ जोगेमिंन्, प्रभु,” बिसि ओबर होंइ।

मत्ती 8:25

छतमा “ओ प्रभु, ङि सिबर होंइ ङिलाइ जोगेमिंन् बिदै चेलामैंइ येशूलाइ छोरवाइ।”

मर्कूस 4:39

येशू रेसि नाँ-खैं हौदिसि तालए भेल्‍गने “च्याँ तयाद्!” बिबै तोदोंन् नाँ-खैं टियाइ।

लूका 4:35

छबिमा येशूजी हौदिदै च मोंने बिइ, “आपोंन्, च म्हिउँइँले त्‍होंइ ह्‍याद्।” बिमा मोंइ चलाइ म्हिमैंए म्हाँजोर प्योवासि तोइ नल् आलल्‍ले च म्हिउँइँले त्होंइ ह्‍याइ।

लूका 4:39

छबिमा खी च ङाँर रासि जरलाइ हौदि‌इ, छले हौदिमा जरइ चलाइ पिवाइ। धै सबै तोदोंन् रेसि खेंमैंए सेवा लइ।

लूका 5:5

छबिमा सिमोनइ बिइ, “गुरु, ङिइ म्‍हुँइँसतिमि सिया सियाले जाल प्रिंसेया ताँग घ्रि या आस्‍या। दिलेया क्‍हिइ बिसेरो ङइ जाल प्रिंम्।”

लूका 8:25

झाइले येशूजी खीए चेलामैंने बिइ, “क्‍हेमैंए बिश्‍वास खनि ह्‍याइ?” चमैं ङ्हिंसि प्लेटोयाइ धै खें-खेंमैं न्होंर “चु म्हि खाब् मुँगे? नाँ खैं नेरो क्युए भेल्गालाज्यै या खीजी च्याँ तयाद् बिमा चमैंज्यै या खीजी बिब ङिंब!” बिबर होंइ।