लूका 8:22 - परमेश्‍वरए ताँ तमु क्युइर

²² तिगें येशू ह्रोंसए चेलामैंने डुँङ्गार क्रेसि “तारे, ङ्यो तालए क्‍योंजा ह्‍याले ओ,” बिसि ह्‍याइ।

लूका 8:22 ပူးပေါင်းရင်းမြစ်များ

मत्ती 14:22

येशूजी म्हिए हुल छाइले कुलमा चेलामैंने “डुँङ्गार क्रेसि ङ भन्दा ओंसों क्‍योंजा ह्‍यारिद्,” बिसि ल्हैदिइ।

मत्ती 8:18

झाइले येशूजी खीए खागु म्हिए हुल तब् म्रोंसि खीए चेलामैंने “मा ङ्युँइए क्‍योंजा ह्‍याले,” बिइ।

मर्कूस 5:21

च लिउँइँ येशू डुङ्गा क्रेसि तालए चोंजा एखमा चर म्हिए हुल खीए कारर्ग्यु तखइ।

मर्कूस 6:45

म्हिमैंइ चल् खाँबै तोदोंन् येशूजी ह्रोंसए चेलामैं डुँङ्गार क्रेसि खेंमैं ह्‍याब् भन्दा ओंसोंन् तालए क्‍योंजा बेथसेदा बिबै क्‍ल्‍ह्‍योर कुलइ। छले कुलबै तोंर्न म्हिमैंलाज्यै या खेंमैंए धिंर कुलइ।

मर्कूस 8:13

छ बिसि येशू चमैं वाथेंसि डुँङ्गार क्रेसि धबै तालए क्‍योंजा ह्‍याइ।

लूका 5:1

तिगें येशू गनेसरत बिबै तालए छ्योगोर रारिमा परमेश्‍वरए ताँ थेबर ल्हें म्‍हिमैं खी ङाँर खल।

लूका 8:23

छले ह्‍यारिमा येशू न्‍हरु च्‍हुयाइ। तालर थेबै नाँ खै खसि डुँङ्गार क्‍यु प्‍लिंबर होंइ। छतमा चमैं बेल्‍ले आतिदिइ।

लूका 8:33

झाइले मोंमैं च म्‍हिउँइँले त्‍होंसि तिलिमैंए न्होंर ‍होंयाइ। छतमा तिलिमैं सोबाल तसि कोंउँइँले मा ङ्युँइर ते‍यासि सियाइ।

यूहन्‍ना 6:1

चु ताँमैं तबै लिउँइँ येशू गालील अथवा तिबेरियस बिबै मा ङ्युँइ क्योंजा ह्‍याइ।

चेला चिब्मैंए केमैं 27:2

ङि एड्रामिटेनोस सहरउँइँले एशिया ह्‍युलए रे-रेबै क्ल्ह्‍यो ततै ह्‍याबै क्यु झाजर क्रेइ। छले ह्‍यामा माकेडोनिया ह्‍युलर्बै थेसलोनिकाथें अरिस्‍तार्खस बिबै म्हि घ्रि या ङिने बालु मुँल।