लूका 8:18 - परमेश्‍वरए ताँ तमु क्युइर

¹⁸ “छतसि न्ह क्रों मि क्रों तद्, क्‍हेमैंइ थेबै ताँ छेन्‍ले सैंर थेंन्। तलेबिस्याँ ङइ लोमिंबै ताँ छेनाले थेब्मैंइ झन् क्होल् योंब्मुँ, दिलेया ङए ताँ आथेब्मैंइ क्होइ बिसि ह्रब् प्हैंलेया चमैं ङाँइँले प्हेंवाब्मुँ।”

लूका 8:18 ပူးပေါင်းရင်းမြစ်များ

हितोपदेश 14:12

ह्रोंस प्रबै घ्याँ ठिक धों ङ्‍हाँलेया दिलेया लिउँइँ च घ्याँ कालाए सुँर फेनेम्।

मत्ती 13:12

ङइ लोमिंबै ताँ छेनाले थेब्मैंइ झन् क्होल् योंब्मुँ। दिलेया ङए ताँ आथेब्मैंइ क्होइ बिसि ह्रब् प्हैंलेया चमैं ङाँइँले प्हेंवाब्मुँ।

मत्ती 25:29

तलेबिस्याँ खाब्ने मुँ, चने मुँबै फिरै या थप्दिमिंब्मुँ, धै चने छ्येज्याल्हुल्हु तब्‍मुँ। खाब्ने आरे चने देदे मुँबै या प्‍हेंवाँब्मुँ।

मर्कूस 13:14

“क्हेमैंइ ‘नास लबै छेरन् तबै सै’ तल् आत्हुबै क्ल्ह्‍योर तब् म्रोंमा (चु ताँ खेबै म्‍हिइ क्‍होरिगे।) क्हेमैं यहूदीया ह्‍युलर मुँब्‍मैं कोंउँइँ भौदिल् त्हुब्मुँ।

लूका 19:26

“ङ क्हेमैंने बिमुँ, खाब्ने मुँ चलाइ झन् ल्हें पिंब्‍मुँ। खाब्ने आरे चने मुँबै या प्‍हेंवाब्‍मुँ।

लूका 9:44

“ङइ बिबर होंबै ताँ क्हेमैंइ छेनले सैंर थेंन्, तलेबिस्याँ म्‍हिमैंइ ङ म्हिए च्हलाइ म्‍हिमैंए योर सुम्‍पिदिवाब्‍मुँ।”

यूहन्‍ना 15:2

ङने मुँबै हाँगमैं न्होंरि रोमैं आरोबै हाँग खीजी छाँडेब्मुँ। धै रोमैं रोबै हाँगमैं बिस्याँ अझै ल्हें रोमैं रोरिगे बिसि खीजी छिमल्दिब्मुँ।

चेला चिब्मैंए केमैं 10:33

छ बिबै तोंदोंन क्हि ङाँर म्हि कुल्मिंइ, धै क्हि या गार आम्हाँदिन्ले खमिंइ। तारे प्रभुजी क्हिने बिद् बिबै ताँमैं थेबै ल्हागिर ङि ताँन् चुर परमेश्‍वरए उँइँर खागु तइमुँ।”

चेला चिब्मैंए केमैं 17:11

चर्बै यहूदीमैं थेसलोनिकाथेंमैं भन्दा स्वाब मुँल: चमैंइ परमेश्‍वरए ताँ बेल्‍ले छ्याँब ङ्हाँसि सैंर किंइ, धै चु ताँमैं पावलइ बिबै ताँने क्ह्रिम् उ आक्ह्रि बिसि त्हिंइ ह्रोंसे परमेश्‍वरए छ्वेर्बै ताँमैं खेसि क्होल् म्हैमल।

रोमी 12:3

परमेश्‍वरजी ङलाइ खीए दयाम्हाँया पिंबइले ङइ क्‍हेमैं ताँनने यो छ्युँ लमुँ: ह्रोंसलाइ थेब आमैंन्, परमेश्‍वरजी क्हिलाइ पिंबै बिश्‍वास अनुसार ह्रोंस खैतब् मुँ छाबन् मैंन्।

१ कोरिन्थी 14:37

खाबज्यै या ह्रोंसलाइ अगमबक्‍ता अथवा पबित्र प्ल्ह मुँबै म्‍हि ग बिसि मैंम् बिस्याँ, ङइ प्‍ह्रिबै चु ताँमैं प्रभुजी लद् बिबै ताँमैं ग बिसि चइ सेरिगे।

१ कोरिन्थी 3:18

ह्रोंसैन ह्रोंसलाइ धोका आपिंन्: क्हेमैंए न्होंरि खाबज्‍यै या “चु ह्‍युलर्बै बुद्धि मुँबै म्हि ङन् ग” बिसि मैंम् बिस्याँ क्ह्रोंसेंन्बै बुद्धि मुँबै म्हि तल् खाँरिगे बिसि च बुद्धि आरेबै म्हि धों तल् त्हुम्।

१ कोरिन्थी 8:2

खाबज्‍यै या “ङइ तोन्दोंरि ह्रइमुँ” बिलेया ह्रल् त्‍हुबै ताँ चइ तोइ या आह्रइमुँ।

फिलिप्पी 3:4

खाबज्यै ज्युर लबै चिनुर भर थेंबै कारण मुँ बिसि मैंम् बिस्याँ, ङलम् झन् ल्हें कारण मुँ।

हिब्रू 2:1

छतसि ङ्योइ तो ताँ थेइमुँ च ताँ झन् छेनाले थेल् त्हुम्। छेनाले आथेइ बिस्याँ ङ्योइ घ्‍याँ फ्लेयाम्।