लूका 8:12 - परमेश्‍वरए ताँ तमु क्युइर

¹² घ्‍याँर तेबै प्‍लु चुन् ग: परमेश्‍वरए ताँ थेब्मैंइ आक्वेंरिगे धै चमैं जोगेल् आयोंरिगे बिसि दुष्‍ट बिबै सै खसि चमैंइ थेबै ताँ ताँन् युनन् म्‍लेल् लवाम् धै क्वेंल् आपिं।

लूका 8:12 ပူးပေါင်းရင်းမြစ်များ

हितोपदेश 1:29

तलेबिस्याँ चमैंइ ज्ञान बुद्धिए ताँमैं तो धोंइ आङ्हाँ, धै याहवेहने या आङ्हिं,

हितोपदेश 4:5

“बुद्धि म्हैद्, च्हैंब् मैंब लल् खाँब तद्; ङइ बिबै ताँमैं आम्‍लेद्, धै ङइ बिबै ताँमैं थेलैया आथेब् धों आलद्।

मत्ती 13:19

कोइ म्‍हिमैंइ स्‍वर्गर्बै ग्याल्सए बारेर थेलेया क्‍होल् आखाँ। छतसि चमैं घ्‍याँर तेबै प्‍लु धोंन् तब् ग। चमैंए सैंउँइँले दुष्‍टइ च प्‍लुमैं प्‍हेंवाम्।

मत्ती 13:4

चइ प्‍लु प्‍लुमा कोइ प्‍लु घ्‍याँर तेइ। घ्‍याँर तेबै प्‍लुमैं नेमामैं खसि चवाइ।

मर्कूस 4:15

कोइ म्‍हिमैं घ्याँर फेबै प्लु धोंबन् मुँ। चमैंइ परमेश्‍वरए ताँ थेबै तोदोंन् दुष्‍टइ चमैंइ थेबै ताँ प्‍हेंबोम्। छतसि क्‍वेंल् आपिं।

लूका 8:11

येशूजी चमैंने बिइ, “अहानए अर्थ चु ग: प्‍लु बिब परमेश्‍वरए ताँ ग।

लूका 8:13

झाइले गेगरर तेबै प्‍लु चुन् ग: खाबइ परमेश्‍वरए ताँ थेसि सैं तों-तोंइ क्‍वेंम्। दिलेया चमैंए जरा आत। छतसि चमैंइ तिस्याँदे मत्‍त्रे च ताँ क्वेंम्, तलेबिस्याँ ह्रोंसए फिर दुःखमैं तमा बिब् धों आतमा चमैंइ पिवाम्।

लूका 8:5

“तिगें म्‍हि घ्रि प्‍लु प्‍लुबर ह्‍याल। प्‍लु प्‍लुमा कोइ प्‍लु घ्‍याँर तेइ, कोइ प्‍लु गेगरर तेइ, कोइ प्‍लु पुजु मुँबै क्‍ल्‍ह्‍योर तेइ, कोइ प्‍लु छ्याँबै स मुँबै क्ल्ह्‍योर तेइ। घ्‍याँर तेयाबै प्‍लुमैं म्हिमैंइ प्‍लेवाइ, नमेमैं खसि चवाइ।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।