लूका 8:1 - परमेश्‍वरए ताँ तमु क्युइर

¹ च लिउँइँ येशू सहर-सहर, नाँस-नाँसर स्‍युरसि परमेश्‍वरए ग्याल्सर्बै सैं तोंबै ताँ बिप्रइ। खीने बालु च्युसे ङ्हिं चेलामैं या मुँल।

लूका 8:1 ပူးပေါင်းရင်းမြစ်များ

मत्ती 11:1

येशूजी ह्रोंसए च्युसे ङ्हिं चेलामैंने लोदा सैंदा लल् खाँबै लिउँइँ चमैंए सहरजरे म्‍हिमैंलाइ लोमिंबर नेरो परमेश्‍वरउँइँले खबै सैं तोंबै ताँ बिबर ह्‍याइ।

मत्ती 13:19

कोइ म्‍हिमैंइ स्‍वर्गर्बै ग्याल्सए बारेर थेलेया क्‍होल् आखाँ। छतसि चमैं घ्‍याँर तेबै प्‍लु धोंन् तब् ग। चमैंए सैंउँइँले दुष्‍टइ च प्‍लुमैं प्‍हेंवाम्।

मत्ती 4:23

येशू गालील ह्‍युल तिगोंन् स्‍युरदै चमैंए च्हों धिंजरेबै म्हिमैंने परमेश्‍वरए ताँमैं लोमिंदै स्‍वर्गर्बै ग्याल्सए बारेर सैं तोंबै ताँमैं बिप्रमल। धै ताँन् खालर्बै नब् छब्मैं नेरो मोंइ स्याबै म्‍हिमैं या सल् लमिंमल।

मत्ती 9:35

येशू ताँन् सहरजरे नाँ-नाँसजरे स्‍युरसि चमैंए च्हों धिंजरे परमेश्‍वरए ग्याल्सर्बै सैं तोंबै ताँमैं म्‍हिमैंने बिमिंदै ताँन् खालर्बै नब् छब्मैं सल् लमिंदै प्रइ।

मर्कूस 1:39

झाइले येशू गालील ह्‍युलर्बै च्हों धिंमैंर सैं तोंबै ताँ बिप्रदै मोंमैं ल्‍हादै प्रइ।

लूका 1:80

च लिउँइँ कोलो यूहन्‍ना थेब् तदै ह्‍यासि सैं या चिदै ह्‍याइ। दिलेया इस्राएलीमैंए म्हाँजोर चु ताँमैं बिबै त्हे आतन् समा च म्‍हि आटिबै ‍क्ल्ह्‍योर्न टिइ।

लूका 20:1

तिगें येशूजी मन्दिरर परमेश्‍वरउँइँले खबै सैं तोंबै ताँमैं म्हिमैं लोमिंरिल। छतमा चिबनाँब्मैं, ख्रो पिंबै खेगि चिब्मैं नेरो शास्‍त्रिमैं येशू ङाँर खसि

लूका 4:18

“याहवेह परमेश्‍वरए प्‍ल्ह ङए फिर मुँ, तलेबिस्याँ ङ्हाँदुमैंलाइ सैं तोंबै ताँ बिमिंबर खीजी ङलाइ त्हाँइमुँ। कैदिमैं झेलउँइँले तेमिंबर, धै कनमैं मि म्रोंल् लमिंबर। आगुइ क्र ओल् आपिंब्मैंलाइ रेमिंबर खीजी ङ कुल्मिंब् ग।

लूका 9:6

खीजी बिब् धोंले चेलामैं नाँ-नाँसर ह्‍यासि खन्‍तोंदोंन् परमेश्‍वरउँइँले खबै सैं तोंबै ताँ बिप्रदै नब् छब्मैं सल् लमिंदै प्रइ।

चेला चिब्मैंए केमैं 10:38

परमेश्‍वरजी नासरतथें येशूलाइ पबित्र प्ल्ह नेरो शक्‍तिजी प्लिंमिंसि खीजी छ्याँबै केमैं लदै, दुष्‍टइ ह्रुगुदिब्मैं सल् लमिंदै प्रइ, तलेबिस्याँ परमेश्‍वर खीने बालु मुँल।

चेला चिब्मैंए केमैं 13:32

“परमेश्‍वरजी येशू सिबइले धबै सोगों लमिंसि खीजी ङ्योए खेमैंने फैबै बाछा ङ्योए ल्हागिर्न पूरा लमिंइ। चु सैं तोंबै ताँ ङि क्हेमैंए ङाँर पखइमुँ।

रोमी 10:15

छलेन खाबज्‍यै बिमिंबै म्‍हिमैं आकुलस्‍याँ चमैंइ खैले बिप्रब? “सैं तोंबै ताँ बिमिंबै म्हिमैंए प्हले कति छ्याँब,” बिसि परमेश्‍वरए छ्वेर प्ह्रिइमुँ।