लूका 7:47 - परमेश्‍वरए ताँ तमु क्युइर

⁴⁷ छतसि ङ क्‍हिने बिमुँ, चुइ ङलाइ च्‍हौ ल्‍हें म्‍हाँया लइमुँ। छतसि चुए पाप ल्हें मुँलेया क्षमा तइमुँ, दिलेया च्‍युगुदे पाप माफ योंबै म्हिइ ङलाइ च्युगुदेन् म्हाँया लमुँ।”

लूका 7:47 ပူးပေါင်းရင်းမြစ်များ

मत्ती 10:37

“खाबइ ङ भन्दा ह्रोंसए आबा-आमाए म्हाँया ल्हें लमुँ, च ङए म्‍हि तल् आखाँ। छलेन खाबइ ङ भन्दा ह्रोंसए च्‍ह-चमिए म्हाँया ल्हें लमुँ च ङए म्‍हि तल् आखाँ।

लूका 7:39

छ लब् म्रोंसि येशूलाइ न्हिम्तो लबै फरिसीइ सैं न्हों-न्हों “चु म्‍हि क्‍ह्रोंसेंन्ले अगमबक्‍ता ङिब् ग बिस्‍याँ चुइ खीलाइ छुइबै च्हमिरि खैतबै म्हि जा बिसि सेमल। चु पापि च्हमिरि ग!” बिबर होंइ।

लूका 7:46

क्‍हिइ ङए क्रर छ्युगु आफोमिं, दिलेया चुइ ङए प्‍हलेरै या सै ल्हें फेबै अत्तर फोमिंइमुँ।

लूका 7:48

झाइले येशूजी च च्हमिरिने “क्‍हिए पाप क्षमा तयाइमुँ,” बिइ।

चेला चिब्मैंए केमैं 5:31

इस्राएलीमैंइ परमेश्‍वरउँइँ सैं एसि पाप क्षमा योंरिगे बिसि परमेश्‍वरजी येशूलाइ म्रुँ नेरो जोगेमिंबै म्हि लमिंसि ह्रोंसए क्योलोउँइँ धाँसे नुल्‍ले थेंमिंइ।

रोमी 5:20

पाप कति ल्हें लइ बिब् सेरिगे बिसि परमेश्‍वरजी ठिम पिंइ। खैले पाप ल्हें ततै ह्‍याइ, छलेन परमेश्‍वरए दयाम्हाँया झन् ल्हें ततै ह्‍याइ।

२ कोरिन्थी 5:14

येशू ख्रीष्‍टजी ङ्योने म्हाँया लबइले ङ्यो खीए अधीनर मुँ, तलेबिस्याँ ताँन् म्‍हिमैंए ल्हागिर ख्रीष्‍ट सिमिंबइले ङ्यो ताँन् खीने बालुन् सिब् धोंन् तइ बिबै ताँ ङ्योइ सेइमुँ।

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

एफिसी 6:24

छले ङ्योए प्रभु येशूए फिर म्हाँया लब्मैं ताँनने खोंयोंन् बिलै परमेश्‍वरए दयाम्हाँया तरिगे।

फिलिप्पी 1:9

क्‍हेमैंए ल्हागिर ङए प्राथना चुन् मुँ: क्‍हेमैंए म्हाँया बेल्‍ले बडिदै ह्‍यारिगे, धै ज्ञान नेरो छेनाले क्‍होबै बुद्धि बेल्‍ले ल्‍हें योंरिगे।

१ तिमोथी 1:14

ङ्योए प्रभुजी खीए बेल्‍ले थेबै दयाम्हाँया ङलाइ उँइँमिंइ। धै ङलाइ खीने घ्रिन् लमिंसि बिश्‍वास नेरो म्हाँया लबै शक्‍ति ङलाइ पिंइ।

१ यूहन्‍ना 1:7

दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।

१ यूहन्‍ना 3:18

ओ ङइ खोबै कोलोमैं, ङ्योइ लबै म्हाँया ताँ नेरो सुँइ पोंब मत्‍त्रे आङिं, योज्यै या छ्याँबै के लसि सैं न्होंउँइँलेन् क्ह्रोंसेंन्‍बै म्हाँया लल् त्‍हुम्।

१ यूहन्‍ना 4:19

परमेश्‍वरजी ओंसोंन् ङ्योए फिर म्हाँया लबइले ङ्योज्यै (खी नेरो ङ्योए बिश्‍वासी अलि-अङाँमैंलाइ) म्हाँया लम्।

१ यूहन्‍ना 5:3

ङ्योइ क्ह्रोसेंन्लेन् परमेश्‍वरलाइ म्हाँया लम् बिस्‍याँ खीजी बिबै ताँमैं ङ्योइ ङिंम्। धै खीए ताँ म्हाँदिबर ङ्योलाइ ल्‍हें गारो आरे।