लूका 7:37 - परमेश्‍वरए ताँ तमु क्युइर

³⁷ च सहरर आछ्याँबै छ्ह थोबै पापि च्हमिरि घ्रि मुँल। येशू च फरिसीए धिंर मुँ बिब् थेसि सै ल्हें फेबै अत्तर पुरुर झोंसि च च्हमिरि चर खइ।

लूका 7:37 ပူးပေါင်းရင်းမြစ်များ

मत्ती 21:31

“चु च्‍ह ङ्हिंर आबाइ बिबै ताँ खाबइ ङिंइ? ठागुइ उ च्‍योंबइ?” चमैंइ “ठागुइ,” बिइ। झाइले येशूजी चमैंने बिइ, “क्ह्रोंसेंन ङ क्हेमैंने बिमुँ, रोमी म्रुँए ल्हागिर बालि रेब्मैं नेरो फ्यालुस्यो के लब्मैं क्‍हेमैं भन्दा ओंसों परमेश्‍वरए ग्याल्सर होंब्मुँ।

लूका 18:13

“दिलेया च बालि रेबै म्‍हि ह्रेंगोन् रासि ‘ङम् स्वर्गउँइँ ङ्‌ह्‍योबै लायकर्बै आरे’ ङ्हाँइ। धै सैं च्योंने लदै ह्रोंसए तिंर ठौदिदै ‘ओ परमेश्‍वर, ङ पापि म्‍हि ग। ङए फिर ल्हयो खमिंन्,’ बिइ।

लूका 19:7

छले येशू जखायसए धिंर ह्‍याब् म्रोंसि “अच्‍या छाबै पापि म्हिए धिंरै या प्ह्रें तबर ह्‍याइ बिसि म्हिमैंइ खीए ताँ लबर होंइ।”

लूका 5:30

छले चरिमा फरिसीमैं नेरो चमैं न्‍होंर्बै शास्‍त्रिमैंइ येशूए चेलामैंए बिरोधर गनगन लसि “चु बालि रेब्‍मैं नेरो पापिमैंने क्‍हेमैंइ तले चब्-थुँब् लल?” बिबर होंइ।

लूका 5:32

छतसि ङ धर्मि प्हैंब्मैं हुइबर युब आङिं, दिलेया ‘पापिमैं पाप लब् पिसि परमेश्‍वरउँइँ सैं एरिगे,’ बिसि हुइबर युब् ग।”

लूका 7:34

परमेश्‍वरजी कुल्मिंबै म्हिए च्ह चु ह्‍युलर युसि चमा, थुँमा ‘चुम् चप्ला प्हाको बालि रेब्‍मैं नेरो पापिमैंए थु मुँनमैं,’ बिसि क्‍हेमैंइ बिम्।

लूका 7:36

तिगें फरिसी घ्रिइ येशूलाइ चब् चबर न्हिम्तो लल। छतसि खी चए धिंर ह्‍यासि चबर टिइ।

यूहन्‍ना 11:2

प्रभुए प्हलेर बेल्‍ले लिंबै थाँ खबै अत्तर फोमिंसि ह्रोंसए क्र प्होइ फ्योमिंब चुन् मरियम मुँल। चए अलि लाजरस नरिल।

यूहन्‍ना 9:24

छतमा चमैंइ च मि म्रोंल् खाबै म्हि धबै हुइसि बिइ, “परमेश्‍वरए मिं थेब् लद्। चु म्हि पापि ग बिसि ङिइ सेइमुँ।”

यूहन्‍ना 9:31

परमेश्‍वरजी पापिमैं ताँ आथे, दिलेया परमेश्‍वरने ङ्हिंसि खीए मान लब्‍मैं नेरो खीजी बिब् धोंले के लब्‍मैंए ताँ परमेश्‍वरजी थेम् बिसि ङ्योइ सेइमुँ।

रोमी 5:8

दिलेया परमेश्‍वरजी खीए म्हाँया ङ्योए फिर कति ल्हें मुँ बिसि छले उँइँइँमुँ, ङ्यो पापि मुँमन् ङ्योए पाप त्होमिंबर येशू ख्रीष्‍ट सिमिंइ!

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।

१ तिमोथी 1:9

मोशाइ च ठिममैं छ्याँबै के लब्‍मैंए ल्हागिर आपिं, ठिम आङिंब्मैं नेरो आछ्याँबै के लप्रब्मैंए ल्हागिर पिंइ बिसि क्हेमैंइ क्होल् त्हुम्। आबा आमा सैब्मैं, परमेश्‍वरलाइ आम्हाँदिब्मैं, आबा-आमा सैब्मैं, म्हि सैब्मैं,

१ पत्रुस 4:18

परमेश्‍वरए छ्वेर छले प्ह्रिइमुँ: “ठिक के लब्मैंन् जोगेब गारो मुँ बिस्याँ परमेश्‍वरलाइ आम्‍हाँदिबै पाप लब्‍मैंए गति झन् खै तलै?”