लूका 7:27 - परमेश्‍वरए ताँ तमु क्युइर

²⁷ परमेश्‍वरए छ्वेर यूहन्‍नाए बारेर छले प्‍ह्रिइमुँ: ‘ङ्‍ह्‍योद्! क्‍हिए घ्‍याँ तयार लमिंरिगे बिसि क्हि भन्दा ओंसों ङइ ङए स्यार्बो कुल्मिंम्।’

लूका 7:27 ပူးပေါင်းရင်းမြစ်များ

मत्ती 11:10

तलेबिस्याँ चु यूहन्‍नाए बारेर परमेश्‍वरए छ्वेर छले प्‍ह्रिइमुँ, ‘ङ्‍ह्‍योद्, क्हिए घ्‍याँ तयार लमिंरिगे बिसि क्हि भन्दा ओंसों ङइ ङए स्यार्बो कुल्मिंम्।’

मर्कूस 1:2

स्‍योंमा यशैया अगमबक्‍ताइ प्‍ह्रिब् धोंलेन् तखइमुँ: “ङ्ह्‍योद्, क्‍हिए घ्‍याँ तयार लमिंरिगे बिसि क्हि भन्दा ओंसों ङइ ङए स्यार्बो कुल्मिंम्।

लूका 1:76

ओ ङए च्ह, क्‍हि ताँन् भन्दा थेबै अगमबक्‍ता तब्‍मुँ, तलेबिस्याँ परमेश्‍वरजी कुल्‍मिंबै म्रुँए ओंसों ह्‍यासि खीए ल्हागिर क्‍हिइ घ्‍याँ छ्याब्मुँ।

लूका 7:26

बित्ति! क्‍हेमैं तो ङ्‌ह्‍योबर ह्‍याल? अगमबक्‍ता ङ्ह्‍योबर ह्‍याल् वा? ङ क्‍हेमैंने बिमुँ, अगमबक्‍ता भन्दा थेबै म्‍हि घ्रि क्‍हेमैंइ म्रोंइमुँ!

लूका 7:28

ङ क्हेमैंने बिमुँ, च्हमिरि ङाँइले फिब्मैं न्होंरि यूहन्‍ना भन्दा थेबै म्‍हि खाबै आरे, दिलेया खाबइ ङइ लबै के म्रोंसि ङइ बिबै ताँ थेसि ङइ बिब् धोंले परमेश्‍वर म्हाँदिमुँ, च म्‍हि च्‍योंब मुँलेया यूहन्‍ना भन्दा थेब तमुँ।”

यूहन्‍ना 1:23

यूहन्‍नाइ बिइ, “स्योंम्बै येशैया अगमबक्‍ताइ बिब् धोंले, ‘याहवेहए ल्हागिर घ्‍याँ क्योंएँन्!’ बिसि, म्हि आटिबै क्ल्ह्‍योर तेबै कै घ्रि ङन् ग।”