लूका 7:25 - परमेश्‍वरए ताँ तमु क्युइर

²⁵ क्‍हेमैं तो सै ङ्‌ह्‍योबर ह्‍याल? छ्याँबै क्‍वें खिबै म्‍हि ङ्‌ह्‍योबर ह्‍याल् वा? छ्याँबै क्‍वें खिसि लिंब्-लिंबै सैमैं चबै म्‍हिमैंम् म्रुँए दरबारर टिम्।

लूका 7:25 ပူးပေါင်းရင်းမြစ်များ

एस्तर 1:11

तलेबिस्याँ म्रुँस्यो बश्ती बेल्‍ले छ्याँब मुँल। छतसि चर्बै चिबनाँब्मैं नेरो अरू ताँन् मुँयुमैंइ म्रुँस्यो म्रोंरिगे बिबै सैं म्रुँल् मुँल।

एस्तर 1:3

चइ शासन लबै सोंदिर ह्रोंसए ताँन् के लब्मैंए जिम्मा नोब्मैं नेरो चर्बै चिब्मैंए ल्हागिर थेबै भत्‍तेर पिंइ। छले भत्‍तेर पिंमा चर ताँन् ह्‍युलर्बै म्रुँमैंए प्हसेमैं, फारसी नेरो मादी सेनामैं, थे-थेबै म्हिमैं नेरो ताँन् ह्‍युलर्बै चिबनाँब्मैं खइ।

एस्तर 4:2

च्हमा मर्दकइ म्रुँए दरबारए मुल म्रा समा ह्‍याइ, तलेबिस्याँ नइ ह्रेंग खिसि खाबै या म्रुँए मुल म्राउँइँले न्होंर होंल् आयोंमल।

एस्तर 5:1

बर्त टिसि सोंरोर एस्तरइ म्रुँस्योइ खिल् त्हुबै क्वें खिइ, धै म्रुँए दरबारए न्होंर्बै ह्‍युर ह्‍यासि रारिइ। च त्हेर म्रुँ ह्रोंसए गद्दिर क्हुँसि मुल म्राउँइँ ह्‍वेंरिल।

एस्तर 8:15

च लिउँइँ म्रुँमैंइ खिबै तार्ग्या नेरो मु रङर्बै क्वें खिसि मोर्दकै कलाँजी रङर्बै सुतिए पछ्यौर पोइ, धै माराइ बनेबै मुकुट कुसि मोर्दकै म्रुँए दरबाराउँइँले त्होंइ। छले शूशन सहरर मुँबै ताँन् म्हिमैं बेल्‍ले सैं तोंदै उफर्दिइ,

मत्ती 11:8

आङिं बिस्‍याँ, तो ङ्‌ह्‍योबर ह्‍याल? छ्याँबै क्‍वें खिबै म्‍हि ङ्‌ह्‍योबर ह्‍याल् वा? छ्याँबै क्‍वें खिबै म्‍हिम् म्रुँमैंए दरबारर टिम्।

मत्ती 3:4

यूहन्‍नाइ सलुए मुइए क्‍वें खिमल, ट्हुबिए पेटि खिमल, तिरि नेरो क्‍वे खुदु चमल।

मत्ती 6:29

दिलेया ङ क्हेमैंने बिमुँ, स्‍योंम्‍बै सोलोमन म्रुँ बेल्‍ले प्‍ल्‍होसि छ्याँब् छ्याँबै क्‍वें खिनाबिलेया चु टमैं प्‍हारब् धोंले छ्याँब आरेल।

लूका 16:19

येशूजी धबै बिइ, “छाबै प्लबै म्‍हि घ्रि मुँल। चइ सै ल्हें फेबै छ्याँबै क्‍वेंमैं खिमल। त्हिंइ ह्रोंसे लिं-लिंबै चबै सैमैं चसि मजाले त्हिंइ थोमल।

लूका 7:24

यूहन्‍नाइ कुल्मिंबै चेलामैं एह्‍याबै लिउँइँ येशूजी यूहन्‍नाए बारेर म्हिए हुलने बिइ, “क्‍हेमैं क्यु आयोंबै क्ल्ह्‍योर तो ङ्‌ह्‍योबर ह्‍याल? खैंइ लाबै म्वो धुँ ङ्‌ह्‍योबर ह्‍याल् वा?

लूका 7:26

बित्ति! क्‍हेमैं तो ङ्‌ह्‍योबर ह्‍याल? अगमबक्‍ता ङ्ह्‍योबर ह्‍याल् वा? ङ क्‍हेमैंने बिमुँ, अगमबक्‍ता भन्दा थेबै म्‍हि घ्रि क्‍हेमैंइ म्रोंइमुँ!