लूका 7:2 - परमेश्‍वरए ताँ तमु क्युइर

² च नाँसर रोमी कप्‍तानइ बेल्‍ले खोबै के लबै म्हि घ्रि नसि सिबिन् छेल।

लूका 7:2 ပူးပေါင်းရင်းမြစ်များ

उत्पत्ति 24:27

“ङए क्ल्हे अब्राहामए याहवेह परमेश्‍वर बेल्‍ले थेब मुँ। खीजी ङए क्ल्हेने फैबै बाछा पूरा लमिंइ। तलेबिस्याँ याहवेहजी ङलाइ घ्याँर डोरेसि ङए क्ल्हेए ङेंमैंए धिंर पखमिंइमुँ।”

उत्पत्ति 35:8

चर रिबेकाए केब्स्यो दबोरा सिइ, धै च बेथेल ङाँर्बै फलाँटए सिधुँ न्होंर चमैंइ पाइ। छतसि च क्ल्ह्‍योए मिं अल्‍लोन-बकुत थेंइ।

हितोपदेश 29:21

ह्रोंसए केब्छैंलाइ ओंसों ओंनोंन् चइ तो बिमुँ चन् लमिंइ बिस्याँ; लिउँइँ चइ क्हिने मुँबै ताँन् सैमैं किंब्मुँ।

मत्ती 27:54

सयो खब नेरो चर तबै ताँमैं म्रोंसि चर्बै कप्‍तान नेरो चने मुँबै येशूलाइ रुँबै सिपाइमैं बेल्‍ले ङ्हिंसि “चु म्‍हि क्‍ह्रोंसेन परमेश्‍वरए च्‍हन् मुँन,” बिइ।

लूका 23:47

छतब् म्रोंसि “क्‍ह्रोंसेंन चु म्‍हि धर्मि मुँन!” बिदै रोमी कप्‍तानइ परमेश्‍वरए मिं क्वेइ।

लूका 7:1

छले खीजी बिल् त्हुबै ताँमैं ताँन् बिल् खाँबै लिउँइँ येशू कफर्नहुम बिबै नाँसर ह्‍याइ।

लूका 7:3

च कप्‍तानइ येशूए बारेर्बै ताँ थेल। छतसि खीए के लबै म्हि सल् लमिंरिगे बिसि यहूदीमैंए चिबनाँब्मैं येशू ङाँर यो छ्युँ लबर कुलइ।

लूका 8:42

तलेबिस्याँ चल च्युसे ङ्हिंदिंर्बै घ्रिदे मुँबै च्हमि सिबिन् छेल। चए फिर ल्हयो खसि येशू चने बालु ह्‍याइ। छले ह्‍यारिमा म्हिए हुल कारर्ग्यु तखसि खीलाइ बेल्‍ले घच्याट तल।

चेला चिब्मैंए केमैं 10:1

कैसरिया बिबै क्ल्ह्‍योर कर्नेलियस मिं मुँबै म्हि घ्रि मुँल। च इटालिया बिबै पल्टनर्बै कप्‍तान मुँल।

चेला चिब्मैंए केमैं 10:7

च्हक बिसि स्वर्गदूत कर्नेलियसउँइँले छ्युडिह्‍याइ। च लिउँइँ कर्नेलियसइ चए केब्छैंमैंर म्हि ङ्हिं नेरो खीलाइन सेवा लरिबै सिपाइ घ्रि हुइ। च सिपाइ परमेश्‍वरलाइ म्हाँदिब् मुँल।

चेला चिब्मैंए केमैं 22:26

चु ताँ थेसि कप्‍तानइ पल्टनर्बै चिब ङाँर ह्‍यासि “क्हिइ तो लल् म्हैल? चु म्हिम् रोमी नागरिक मुँन,” बिइ।

चेला चिब्मैंए केमैं 23:17

झाइले पावलइ कप्‍तानमैं न्होंर्बै म्हि घ्रि हुइसि बिइ, “चु कोलो पल्टनर्बै चिब ङाँर सथेमिंन्, तलेबिस्याँ चुइ चिबने तोइ ताँ बिदा ङ्हाँइँमु रो।”

चेला चिब्मैंए केमैं 27:1

झाइले ङि इटालिया ह्‍युलर ह्‍याल् त्हुम् बिसि क्रथे फेस्‍तसइ निर्नय लइ। छतमा चमैंइ पावल नेरो अरू कैदिमैं युलियस मिं मुँबै कप्‍तानए जिम्मार पिंइ। च “आगस्ट थेबै म्रुँ” बिबै फौजर्बै कप्‍तान घ्रि मुँल।

चेला चिब्मैंए केमैं 27:3

प्‍हँन्हाँग्धों ङि सिदोन बिबै सहरर फेनेइ। चर कप्‍तान युलियसइ पावलए फिर ल्हयो खसि चने “क्हिलाइ तोइ सैमैं खाँचो तस्याँ क्हिए थुमैं ङाँर ह्‍यासि चैदिबै सैमैं किंल् खाँम्,” बिइ।

चेला चिब्मैंए केमैं 27:43

दिलेया कप्‍तानइ पावल जोगेबै सैं लसि चमैंलाइ छ लल् आपिं। बरु “क्योवालल् खाँम्मैं ताँन् क्यु झाजउँइँले ओंसों फाल् न्हेसि छेउउँइँ त्होंन्।

कलस्सी 3:22

ओ केब्छैंमैं, क्‍हेमैंए चु ह्‍युलर्बै क्ल्हेमैंइ बिबै ताँ ङिंन्। चमैंए उँइँर सैं तोंन् लबै ल्हागिर मत्‍त्रे के आलद्, दिलेया प्रभु येशूइ म्रोंसिन्मुँ ङ्हाँसि “ङइ लल् त्हुबै के लल् त्हुम्” बिसि क्ल्हेमैंए न्होंर टिद्।