लूका 7:16 - परमेश्‍वरए ताँ तमु क्युइर

¹⁶ छाबै के म्रोंसि ताँन् म्‍हिमैं बेल्‍ले ङ्हिंयाँइ, धै “परमेश्‍वर बेल्‍ले थेब नेरो छ्याँब् मुँन! ङ्योए म्‍हाँजोर थेबै अगमबक्‍ता युइमुँ! खी ह्रोंसए म्‍हिमैं जोगेमिंबर युइमुँ,” बिइ।

लूका 7:16 ပူးပေါင်းရင်းမြစ်များ

भजनमैं 65:9

क्हिजी पृथ्बीए वास्ता लमुँ, धै नाँ कुलमिंसि स प्हाँमिंमुँ, क्हिजी चर ल्हें रा-रोमैं रोमिंमुँ। म्हिमैंए ल्हागिर चबै सैमैं योंरिगे बिसि परमेश्‍वरए स्योंमैं क्युइ प्लिंरिमुँ, तलेबिस्याँ क्हिजी छान् तरिद् बिल।

प्रस्थान 4:31

छले उँइँमा हारूनइ बिबै ताँ म्हिमैंइ क्वेंइ। धै याहवेहजी इस्राएलीमैंए न्हुँ लमना धै चमैंए दुःख या म्रोंइमुँ बिसि चमैंइ थेमा चमैंइ क्र कुरसि याहवेहलाइ फ्योसि खीए मिं क्वेइ।

मत्ती 15:31

लडमैं पोंब, स्यालेमैं सयाब, डुडमैं प्रयाब, कनमैंइ म्रोंल् खाँब् तइ। छाब् म्रोंसि म्‍हिमैं प्लेटोयासि इस्राएल ह्रेंर्बै परमेश्‍वर बेल्‍ले थेब मुँन बिसि खीए मिं क्वेइ।

मत्ती 21:11

येशूने मुँबै हुलइ बिइ, “चु गालील ह्‍युलर्बै नासरतउँइँले खबै अगमबक्‍ता येशू ग।”

मत्ती 28:8

छबिमा चमैं ङ्हिंब् धों ङ्हाँदै सैं तोंदै आतुरले छगोंउँइँले त्होंसि खीए चेलामैंने सँउँसर बिबर न्हेह्‍याइ।

मत्ती 9:8

छले खीजी लबै औदिबै के म्रोंसि चर्बै म्हिमैं ङ्हिंयाँइ, धै म्हिमैंलाइ च्हौ थेबै शक्‍ति पिंबै परमेश्‍वरए मिं क्वेइ।

लूका 1:65

परमेश्‍वरजी लबै छाबै के म्रोंसि चमैंए ङ्‌हेब्-ट्हुब्मैं छक्‍क तसि परमेश्‍वरने ङ्हिंइ। चु ताँए बयन यहूदीया ह्‍युलर्बै कों-कोंजरे थेनेइ।

लूका 1:68

“इस्राएलीमैंइ म्हाँदिबै परमेश्‍वरए मिं थेब तरिगे। तलेबिस्याँ ह्रोंसए म्‍हिमैं जोगेमिंबै ल्हागिर खी युइमुँ।

लूका 19:44

चमैंइ चु सहर फुवासि चु न्‍होंर्बै ताँन् म्‍हिमैं या सैवाब्‍मुँ। धिंए गारार युँमा घ्रिए फिर अर्को युँमा तरिब् आरे। तलेबिस्याँ ‘ङिं जोगेमिंबर परमेश्‍वर युल!’ बिबै ताँ क्हेमैंइ क्होल् आखाँल।”

लूका 2:20

झाइले स्‍वर्गदूतइ खै बिल छाबन् प्ह्रोंछैंमैंइ म्रोंल् योंसि चमैंइ परमेश्‍वरए मिं बेल्‍ले थेब् लसि खीलाइ धन्‍यबाद पिंसि क्वे प्रिंदै एह्‍याइ।

लूका 24:19

“तो ताँ जा?” बिसि येशूजी चमैंने ङ्योएमा चमैंइ बिइ, “नासरतथें येशूए बारेर्बै ताँ खी अगमबक्‍ता मुँल, खीजी परमेश्‍वर नेरो म्हिमैंए उँइँरि शक्‍ति मुँबै के लसि छ्याँबै ताँमैं लोमिंमल।

लूका 5:26

छाब् म्रोंसि चर्बै ताँन् म्हिमैं प्लेटोयाइ। धै परमेश्‍वरए के म्रोंसि बेल्‍ले ङ्हिंसि खीए मिं थेब लदै “तिंयाँ ङिंइ औदिबै के म्रोंइ,” बिइ।

लूका 5:8

छतब् म्रोंसि सिमोन पत्रुसइ येशू प्रभुए उँइँर पत्खु तसि बिइ, “ओ प्रभु क्‍हि ङ ङाँइँले ह्रेंगो तयाद्, तलेबिस्याँ ङ पापि म्‍हि ग।”

लूका 7:15

येशूजी छबिमा सियाबै कोलो सोगों तसि क्हुँइ, धै पोंबर होंइ। झाइले येशूजी कोलो चए आमाने पिंइ।

लूका 7:39

छ लब् म्रोंसि येशूलाइ न्हिम्तो लबै फरिसीइ सैं न्हों-न्हों “चु म्‍हि क्‍ह्रोंसेंन्ले अगमबक्‍ता ङिब् ग बिस्‍याँ चुइ खीलाइ छुइबै च्हमिरि खैतबै म्हि जा बिसि सेमल। चु पापि च्हमिरि ग!” बिबर होंइ।

लूका 8:37

छतमा गेरासेनस ह्‍युलर्बै म्‍हिमैंइ येशूलाइ खेंमैंए नाँसउँइँले ह्‍यामिंन् बिसि यो छ्युँ लइ, तलेबिस्याँ चमैं बेल्‍ले ङ्हिंयाँल। छबिमा येशू डुँङ्गार क्रेसि ह्‍याबि छेमा।

लूका 9:19

चेलामैंइ बिइ, “कोइ ‘क्युर प्ल्हुँसि बप्‍तिस्मा पिंबै यूहन्‍ना’ बिमुँ, कोइ ‘स्‍योंम्‍बै एलिया’ बिमुँ, कोइ ‘अगमबक्‍तामैं न्होंर्बै घ्रि धबै सोगो तसि खना,’ बिमुँ।”

यूहन्‍ना 1:21

चमैंइ चने ङ्योएइ, “छ बिस्‍याँ क्‍हि खाब् जा? क्हि एलिया वा?” यूहन्‍नाइ बिइ, “ङ आङिं।” च्हमा चमैंइ ङ्योएइ, “क्हि च अगमबक्‍ता वा?” चइ बिइ, “ङ आङिं।”

यूहन्‍ना 1:25

यूहन्‍नाने ङ्योएइ, “क्‍हि परमेश्‍वरजी कुल्मिंबै म्रुँ ख्रीष्‍ट या आङिं, एलिया या आङिं, धै अगमबक्‍ता या आङिं, बिस्याँ क्हिइ म्हिमैं तले क्‍युर प्‍ल्हुँसि बप्‍तिस्‍मा पिंरिमुँ?”

यूहन्‍ना 4:19

च च्हमिरिइ खीने बिइ, “अँ, क्‍हि अगमबक्‍ता मुँन बिब ङइ था सेइ।

यूहन्‍ना 6:14

खीजी लबै छाबै औदिबै चिनु म्रोंसि च म्हिमैंइ “ह्‍युलर युल् त्हुबै अगमबक्‍ता क्ह्रोंसेंन चुन् मुँन,” बिइ।

यूहन्‍ना 9:17

“चइ क्हिए मि म्रोंल् लमिंसेरो तारे चए बारेर क्हिइ तो बिम्दि?” बिसि चमैंइ च म्हिने ङ्योएमा चइ बिइ, “खी अगमबक्‍ता ग।”

चेला चिब्मैंए केमैं 5:5

चु ताँ थेबै तोंदोंन् हननिया सर क्हुरिह्‍याइ धै सो पिवाइ। चु ताँ थेब्मैं ताँन् बेल्‍ले ङ्हिंयाँइ।

चेला चिब्मैंए केमैं 7:37

“च मोशाइन इस्राएलीमैंने बिल, ‘परमेश्‍वरजी ङ त्हाँब् धोंले क्हेमैंए आघें-अलिमैं न्होंउँइँले क्हेमैंए ल्हागिर अगमबक्‍ता घ्रि त्हाँब्मुँ।’

गलाती 1:24

छले ङइ सैं एसि परमेश्‍वरए के लब् म्रोंसि चमैंइ परमेश्‍वरए मिं क्वेइ।