लूका 6:42 - परमेश्‍वरए ताँ तमु क्युइर

⁴² क्हिइ ह्रोंसए मिर्बै म्हुँडा आम्रोंस्याँ, ह्रोंसए अलिने ‘ओ अलि क्‍हिए मिर कसिं मुँन तेमिंले ओ,’ बिसि क्‍हिइ खैले बिल् खाँम्? ओ फिब्लो पार्दिब्मैं! ओंसों ह्रोंसए मिर्बै म्हुँडा तेद्, धै बल्‍ल ह्रोंसए अलिए मिर्बै कसिं तेबर क्‍हिइ छेन्‍ले म्रोंल् खाँम्।

लूका 6:42 ပူးပေါင်းရင်းမြစ်များ

हितोपदेश 18:17

अर्को म्हि खसि ताँ छलफल आलन् समा मुद्दा झोंबै म्हिन् ठिक म्रोंम्।

मत्ती 26:75

च त्हेर्न येशूजी ओंसों बिबै ताँ चिसि पत्रुस बैरु ह्‍यासि बेल्‍ले क्रोइ। तलेबिस्याँ येशूजी ओंसोंन् पत्रुसने “नग भाले ओरब् भन्दा ओंसोंन् क्‍हिइ सोंखे समा ङ ङो आसे बिब्‍मुँ,” बिल।

मत्ती 7:3

“क्‍हिइ तले ह्रोंसए अलिए मि न्होंर्बै कसिं म्रोंमुँ दिलेया ह्रोंसए मि न्होंर्बै म्हुँडा आम्रों?

मत्ती 7:4

ह्रोंसए मिर्न म्हुँडा मुँ बिस्याँ क्‍हिए अलिने ‘खोइ, क्‍हिए मिर्बै कसिं तेवाले,’ बिसि खैले बिल् खाँमुँ।

लूका 13:15

दिलेया प्रभु येशूजी चने बिइ, “ओ फिब्लो पार्दिब्‍मैं! क्‍हेमैंए न्होंरि खाबज्यै या प्रिबै त्हिंइर ह्रोंसए गधामैं नेरो क्‍ल्‍यामैं प्ह्रोंउँइँले पिसि क्‍यु थुँबर आबो वा?

लूका 22:32

दिलेया क्‍हिए बिश्‍वास आम्‍हरिगे बिसि ङइ क्‍हिए ल्हागिर प्राथना लइ। छतसि क्‍हि धबै ङ ङाँइन एखब्मुँ, क्हिए सैं ङ ङाँइ एबै लिउँइँ ह्रोंसए आघें अलिमैंए सैं भोंब् लमिंन्।”

लूका 6:41

“क्‍हिइ ह्रोंसए अलिए मिर्बै कसिं म्रोंम्, दिलेया ह्रोंसए मिर्बै म्हुँडा बिस्‍याँ तले आम्रों?

लूका 6:43

“छ्याँबै सिं धुँर न्‍होंह्‍याबै रो आरो। छलेन आछ्याँबै सिं धुँर छ्याँबै रो आरो।

चेला चिब्मैंए केमैं 13:10

“ओ दियाबलसए च्ह! क्हि ताँन् छ्याँबै केमैंए शत्तुर, ताँन् दुष्‍ट सैमैंइ प्लिंब नेरो स्योर तेब! क्हि प्रभुए सोजो घ्याँ खेदा-ख्योदे लब खोंयोंन् बिलै आपि वा?

चेला चिब्मैंए केमैं 2:38

पत्रुसइ बिइ, “ङिइ आछ्याँबै केमैं लना बिसि क्‍हेमैं ताँनइ‍ ह्रों-ह्रोंसए आछ्याँबै केमैं पिसि परमेश्‍वरउँइँ सैं एद्, धै क्हेमैंए पाप क्षमा तबै ल्हागिर येशू ख्रीष्‍टए मिंर बप्‍तिस्‍मा किंन्। छलमा परमेश्‍वरउँइँले क्हेमैंइ पबित्र प्ल्हए बरदान योंब्मुँ।

चेला चिब्मैंए केमैं 8:21

परमेश्‍वरए उँइँरि क्हिए सैं छ्याँब आरेना। छतसि चु के क्हिइ कति लल् आयों!

रोमी 2:1

ओ अरूए फिर छ्याब् ल्‍हैदिबै म्हि, क्‍हि खाब् मुँलेया निउँ लबै घ्याँ तोइ आरे, तलेबिस्याँ क्‍हिइ अरूए फिर खैले छ्याब् ल्‍हैदिमुँ छाबन् के क्हिज्यै लम्। छतसि खाबइ आगुए फिर छ्याब् ल्हैदिमुँ च ह्रोंसन् दोषि ठर्दिम्।

२ कोरिन्थी 5:18

चु ताँन् छारा के परमेश्‍वरजीन् लमिंब् ग। परमेश्‍वर खीजीन् ख्रीष्‍टउँइँले ङ्योलाइ खीने क्ह्रिल् लमिंइमुँ, धै अरू म्हिमैंलाज्यै या खीने क्ह्रिल् लमिंबै के ङ्योलाइ पिंइमुँ।

२ तिमोथी 2:21

छलेन खाबै या आछ्याँबै केउँइँले स्‍यो तसि परमेश्‍वर ङाँइ सैं एस्याँ च म्‍हि सै ल्हें फेबै भाँडो धों तब् ग। छलस्याँ च धिं क्ल्हेए ल्हागिर थे-थेबै केमैंर चैदिबै छ्याँबै भाँड धों तब्मुँ।

२ पत्रुस 1:9

दिलेया छाबै बानि ब्योर आरेबै म्‍हिमैं बिस्याँ कनमैं धों तम्, ओंसों ङइ लबै पापउँइँले ङ ख्रुवाल् खाँइमुँ बिबै ताँ चमैंइ म्‍लेयाइमुँ।