लूका 6:38 - परमेश्‍वरए ताँ तमु क्युइर

³⁸ ह्रोंसने मुँबै सैमैं अरूलाज्यै या पिंन् छलस्याँ खाँदि-खाँदिसि, म्‍युरुरुले ङेयाल्‍ले परमेश्‍वरजी झन् ल्हें सैमैं क्हेमैंलाइ पिंब्‍मुँ। क्‍हेमैंइ खैले क्‍होंएँसि पिमुँ, छलेन परमेश्‍वरजी क्‍हेमैंलाज्यै या क्हों‍एँसि पिंब्‍मुँ।”

लूका 6:38 ပူးပေါင်းရင်းမြစ်များ

एस्तर 7:10

म्रुँइ छबिमा मोर्दकैलाइ च्योब् बिसि क्योबै त्होर चमैंइ हामानलाइन च्योवाइ। च लिउँइँ बल्‍ल म्रुँए ह्रिस म्हइ।

एस्तर 9:25

हामानइ यहूदीमैं सैबै चाँजो लइमुँ बिबै ताँ एस्तरउँइँले म्रुँ सेसि “हामानइ यहूदीमैंलाइ खै लल् म्हैइमुँ चलाज्यै छन् लद्!” बिसि म्रुँइ प्ह्रिछ्या प्ह्रिबर ल्हैदिइ। छले ह्रोंसै लबै आछ्याँबै चाँजोइ लमा हामान नेरो चए च्हमैं त्होर च्योवाइ।

भजनमैं 79:12

ओ प्रभु, क्हिलाइ प्ह्रसि ङिए ङ्‍हेब् ट्हुब्मैंइ क्हिए मिं वाइमुँ, छतसि चए ङिखे गुणा खी चमैंने किंमिंन्।

प्रस्थान 21:24

छलेन मिए खि मि, सए खि स, योए खि यो, प्हलेए खि प्हले,

हितोपदेश 10:22

याहवेहए आशिकइ क्हि प्लब तम्, धै क्हिए फिर दु:ख तल् पिंरिब् आरे।

हितोपदेश 19:17

आयो-आख्युब्मैंलाइ पिंब याहवेहलाइ खि पिंब् ग, धै खाबइ तो लइमुँ चए इनाम खीजी पिंब्मुँ।

हितोपदेश 22:9

आयों-आख्युब्मैंलाइ पिंबै म्हिइ आशिक योंब्मुँ, तलेबिस्याँ चइ ह्रोंसए चबै सैमैं ङ्‍हाँदुमैंलाइ चुमिंम्।

मत्ती 10:42

‘चु म्‍हि येशूए म्‍हि ग,’ बिसि खाबज्यै ङए धाँसे च्‍योंबै चेलालाइ गिलाँस घ्रि ङ्युँबै क्‍यु मत्‍त्रे पिंनाबिले या चइ योंल् त्हुबै इनाम योंब्‍मुँ।”

मत्ती 7:2

तलेबिस्याँ खैले क्हेमैंइ आगुए फिर छ्याब् ल्‍हैदिमुँ। छलेन परमेश्‍वरजी क्‍हेमैंए फिर छ्याब् ल्‍हैदिब्मुँ। क्‍हेमैंइ खैले क्होंएँमुँ, छलेन क्‍हेमैंलाज्यै या क्‍होंएँब्‍मुँ।

मर्कूस 4:24

येशूजी चमैंने बिइ, “क्‍हेमैंइ तो थेमुँ, च ताँ छेन्‍ले थेद्: तलेबिस्याँ छेनाले थेस्याँ क्‍हेमैंइ ल्हें क्होल् खाँब्मुँ धै झन् ल्हें क्होल् योंब्मुँ। दिलेया छेनाले आथेस्याँ ल्हें क्होल् आखाँ।

लूका 6:30

क्‍हिने बालु ह्रिब्मैंलाइ पिंन्, धै क्‍हिए समनमैं बोयाब्मैंने धबै आह्रिद्।

याकूब 2:13

अरूए फिर ल्हयो आखबै म्‍हिए फिर परमेश्‍वरज्यै या ल्हयो खरिब् आरे। दिलेया अरूए फिर ल्हयो खइ बिस्‍याँ, परमेश्‍वरजी निसाफ लमा क्‍हेमैं फिरै या ल्हयो खमिंब्‍मुँ।