लूका 6:29 - परमेश्‍वरए ताँ तमु क्युइर

²⁹ खाबज्यै क्हिए क्‍हाँबोर ल्हिस्याँ अर्को क्‍हाँबो या तोमिंन्, छलेन खाबज्यै क्‍हिए बक्‍खु प्हेंवास्‍याँ ह्रेंगै या बोल् पिंन्।

लूका 6:29 ပူးပေါင်းရင်းမြစ်များ

मत्ती 26:67

झाइले चमैंइ खीए लिर थुइसि खीलाइ धोंइ। को-कोइइ,

लूका 22:64

चमैंइ खीए मि हुवासि प्रिंदै “लु अगमबाणि बिद्, बित्ति क्‍हिलाइ प्रिंब खाब् जा? बिसि ङ्योएइ।”

लूका 6:30

क्‍हिने बालु ह्रिब्मैंलाइ पिंन्, धै क्‍हिए समनमैं बोयाब्मैंने धबै आह्रिद्।

यूहन्‍ना 18:22

येशूजी चु ताँ बिमा खीए चेंदो रारिबै मन्दिर रुँब्मैं न्होंर्बै घ्रिइ “ख्रो पिंबै खेगि क्रथेने छले पोंम्मा?” बिदै येशूलाइ प्रिंइ।

चेला चिब्मैंए केमैं 23:2

पावलए ताँ थेसि ख्रो पिंबै खेगि क्रथे हननियाइ पावलए ङाँर रारिबै म्हिमैंने “चए सुँर प्रिंन्!” बिइ।

१ कोरिन्थी 4:11

तिंयाँ समा ङिइ धोंब-टिंब सैदिसिन् मुँ, ङि फो ख्रेंइमुँ, क्यु पिइमुँ, क्‍लुनान् मुँ, ङिल धिं नाँ या आरे,

१ कोरिन्थी 6:7

क्‍हेमैं न्‍होंरि घ्रिइ घ्रिए बिरोधर मुद्दा नेब छ्याँब ताँ आङिं। बरु तोन् तलै सैदिसिन् टिब छ्याँब ग।

२ कोरिन्थी 11:20

छलेन म्‍हि घ्रिइ क्‍हेमैंलाइ केब्छैं लवालेया, क्‍हेमैंए मुइ लुडिवालेया, क्‍हेमैंलाइ ङोर स्‍याब् धोंले च्युवालेया, क्‍हेमैंलाइ प्ह्रलेया, क्‍हेमैंए क्‍ह्राँबोर ल्हिलेया क्‍हेमैंइ ह्रिस आखल्‍ले सैदिमना!

हिब्रू 10:34

झेलर मुँब्‍मैंलाइ क्हेमैंइ ल्होमिंइ, ह्रोंसए सै न्होर अरूमैंइ लुडिवालेया क्‍हेमैं सैं तोंसिन् सैदिइ, तलेबिस्याँ क्‍हेमैंल च सै न्होर भन्दा थेब खोंयोंन् बिलै तरिबै स्वाबै सै न्होर मुँ बिसि क्‍हेमैंइ सेल।