लूका 6:26 - परमेश्‍वरए ताँ तमु क्युइर

²⁶ धिक्‍कर, तोगो म्‍हिमैंइ स्वाब म्हि बिसि थेब् लब्मैं! तलेबिस्याँ चमैंए खेमैंज्यैया स्योलिबै ताँ पोंबै अगमबक्‍तामैं स्वाब म्हि बिसि थेब् लमल।

लूका 6:26 ပူးပေါင်းရင်းမြစ်များ

हितोपदेश 27:21

मारा चाँदि मिर खार्दिब् धोंले आगुइ लबै बयनउँइँले म्हि खैतब् मुँ बिसि सेल् खाँम्।

मत्ती 7:15

“झाइले परमेश्‍वरए ताँमैं स्योर ताँ पोंब्मैंउँइँले न्हक्रों मि क्रोंले टिद्। चमैं क्‍हेमैंए उँइँर क्‍यु धोंले खमुँ, दिलेया सैं न्‍होंनों बिस्‍याँ बनर्बै ङ्हिंन् ङ्हाँबै प्‍याँगु धों तम्।

लूका 6:25

धिक्‍कार, क्‍हेमैं तोगो म्रेंन्ले चल् योंब्मैं! तलेबिस्याँ लिउँइँ क्‍हेमैं फो ख्रेंल् त्हुब्‍मुँ। धिक्‍कार, क्‍हेमैं तोगो निस्‍योब्‍मैं! तलेबिस्याँ लिउँइँ क्‍हेमैं शोक लसि क्रोल् त्हुब्‍मुँ।

यूहन्‍ना 15:19

क्‍हेमैं चु ह्‍युलर्बै आङिं, क्हेमैं चु ह्‍युलर्बै ङिंस्याँम् ह्‍युलर्बै म्हिमैंइ क्हेमैं ह्रोंसल धों ङ्हाँसि म्हाँया लमल। ङइ क्हेमैं चु ह्‍युलउँइँले त्हाँइ। छतसि ह्‍युलर्बै म्हिमैंइ क्हेमैंलाइ हेल लम्।

यूहन्‍ना 7:7

चु ह्‍युलर्बै म्हिमैंइ क्‍हेमैंलाइ हेल् आल, दिलेया ङलाइमि हेल् लम्, तलेबिस्याँ चमैंइ लबै केमैं आछ्याँब मुँ बिसि ङइ बिमिंम्।

रोमी 16:18

तलेबिस्याँ छाबै म्‍हिमैंइ ङ्योए प्रभु येशू ख्रीष्‍टए ल्हागिर आङिं, दिलेया ह्रोंसए फोए ल्हागिर सेवा लम्। चमैंइ ननाओलिबै छ्याँबै ताँमैं पोंसि सोजो म्‍हिमैं धोका पिंम्।

याकूब 4:4

ओ ब्यभिचारिमैं, चु ह्‍युलर्बै आछ्याँबै सैए फिर क्हेमैंए सैं ह्‍यास्याँ क्‍हेमैं परमेश्‍वरए ताँ आङिंब्मैं तम् बिब क्हेमैंइ आसे वा? परमेश्‍वर आम्हाँदिब्‍मैंने प्रबै म्हिइ ह्रोंसलाइन परमेश्‍वरए शत्तुर लवाम्।