लूका 6:22 - परमेश्‍वरए ताँ तमु क्युइर

²² “म्हिए च्हए फिर क्‍हेमैंइ बिश्‍वास लबइले म्‍हिमैंइ हेल लसि खेंमैंउँइँले स्यो लावाब्मुँ, धै क्हेमैं फिर आछ्याँबै ताँमैं पोंसि क्हेमैंए बिल्‍लि लब्मुँ, धै दुष्‍ट म्हिमैं धों ङ्हाँसि म्हि आच्हिन् लब्मुँ। छ ललेया क्हेमैंइ आशिक योंब्मुँ।

लूका 6:22 ပူးပေါင်းရင်းမြစ်များ

मत्ती 10:18

क्‍हेमैं ङए चेलामैं तबइले म्हिमैंइ क्‍हेमैं क्हासि क्रथेमैं नेरो म्रुँमैंए उँइँर राल् पिंब्‍मुँ। च त्हेर क्‍हेमैंइन चमैं नेरो अरू ह्रेंमैंने ङए ताँमैं बिमिंल् त्‍हुब्‍मुँ।

मत्ती 10:22

क्हेमैंइ ङए मिं किंबइले ताँन् म्‍हिमैंइ क्‍हेमैं हेल लब्‍मुँ। दिलेया सैदिसि लिउँइँ समा बिश्‍वासर भोंब् तेरिब्‍मैं परमेश्‍वरजी जोगेमिंब्मुँ।

मत्ती 10:39

खाबइ ह्रोंसए ज्यु जोगेल् म्‍हैमुँ, चए ज्यु नास तब्‍मुँ। दिलेया ङए चेला तसि ह्रोंसए ज्यु पिंब्मैंइ जीबन योंब्‍मुँ।”

लूका 20:15

छ बिसि चमैंइ चलाइ अँगुर मुँबै क्ल्ह्‍योउँइँले बैरु बोसि सैवाइ। “तारे अँगुरए क्‍ल्‍हेइ चमैंलाइ तो ललै?

लूका 21:17

क्‍हेमैंइ ङए मिं किंबइले ताँन् म्हिमैंइ क्हेमैं हेल लब्‍मुँ।

लूका 6:21

ओ तोगो फो ख्रेंब्मैं, क्हेमैंइ आशिक योंब्मुँ तलेबिस्याँ क्‍हेमैंइ म्रेंन्ले चल् योंब्‍मुँ। तोगो क्रोब्‍मैंइ आशिक योंब्मुँ, तलेबिस्याँ क्‍हेमैं निस्‍योल् योंब्‍मुँ।

यूहन्‍ना 12:42

छान् तलेया यहूदी चिबनाँब्मैंए न्होंरि ल्हें म्हिइ येशूए फिर बिश्‍वास लइ। दिलेया चमैं फरिसीमैंने ङ्हिंसि “म्हि च्हों धिंउँइँले तेवाम् उ?” ङ्हाँसि खेंमैंइ येशूए फिर बिश्‍वास लबै बारेर खाबने या आबिमल।

यूहन्‍ना 16:2

म्हिमैंइ क्हेमैं यहूदीमैंए च्हों धिंउँइँले तेवाब्मुँ। क्हेमैंलाइ सैब्मैंइ परमेश्‍वरए सेवा लसिन् मुँ बिसि मैंबै त्हे खसिन् मुँ।

यूहन्‍ना 17:14

ङइ चमैंलाइ क्‍हिए ताँ लोमिंइ। ङ ह्‍युलर्बै आङिंब् धोंले चमैं या चु ह्‍युलर्बै आङिं। छतसि चु ह्‍युलर्बै म्हिमैंइ चमैं हेल् लम्।

यूहन्‍ना 7:7

चु ह्‍युलर्बै म्हिमैंइ क्‍हेमैंलाइ हेल् आल, दिलेया ङलाइमि हेल् लम्, तलेबिस्याँ चमैंइ लबै केमैं आछ्याँब मुँ बिसि ङइ बिमिंम्।

यूहन्‍ना 9:34

छबिमा “क्‍हिम् पापर्न फिल! छाबै म्हिज्यै ङि लोमिंल् म्हैम्मा?” बिसि चमैंइ चलाइ च्हों धिंउँइँले बैरु तेवाइ।

चेला चिब्मैंए केमैं 22:22

म्हि हुलइ पावलए ताँ च्हौ समा छेनाले थेइ। दिलेया च लिउँइँ चमैइ “छाबै म्हि पृथ्‍बीउँइँले स्योवाद्। च सोबै लायकर्बै आरे,” बिदै ओरबर होंइ।

चेला चिब्मैंए केमैं 24:5

“चु म्हिइ ह्‍युल तिगोंन् दुःख पिंदै प्रसि ताँन् यहूदीमैंए म्हाँजोर प्होंगि लवाम्, धै नासरतथेंए टोलिर्बै चिब तसि प्रब ङिइ स्याइमुँ।

चेला चिब्मैंए केमैं 9:16

ङए मिंर बिश्‍वास लमा चइ कति थेबै दुःख नोल् त्हुम् बिब ङइ चने उँइँमिंब्मुँ।”

याकूब 1:12

खैबै दुःख तलेया तोइ आङ्हाँन्ले ढुक्‍काले टिबै म्हिइ आशिक योंब्मुँ, तलेबिस्याँ बिश्‍वासए जाँच तमा सैदिल् खाँबै म्हिइ लिउँइँ खोंयोंइ आखाँबै छ्ह योंब्मुँ। चु छ्ह परमेश्‍वरजी खीलाइ म्हाँया लब्मैंलाइ पिंम् बिसि बाछा फैइमुँ।

१ पत्रुस 3:14

दिलेया ठिक के लसि दुःख योंनाबिलेया क्‍हेमैंइ आशिक योंब्मुँ। म्‍हिमैंइ तोन् बिलेया चमैं म्रोंसि आङ्हिंन्, न्हुँ आलद्।