लूका 6:2 - परमेश्‍वरए ताँ तमु क्युइर

² छले चब् म्रोंसि को-कोइ फरिसीमैंइ बिइ, “प्रिबै त्हिंइर तो लल् आत चन् क्हेमैंइ तले लमुँ?”

लूका 6:2 ပူးပေါင်းရင်းမြစ်များ

प्रस्थान 22:10

“छलेन खाबज्यै ह्रोंसए ङ्‍हेब्मैंलाइ गदा, क्ल्या, क्यु थेंल् पिंइ, दिलेया च खेदो खाबज्यै आम्रोंल्‍ले सियालेया, ने म्योंलेया अथवा खाबज्यै ल्हा बोइ बिस्याँ,

प्रस्थान 31:15

टुगैं समा के लरिगे, दिलेया ङिगैंर भों न्हबै त्हिंइ ग, चु त्हिंइ याहवेहए ल्हागिर पबित्र ग। चु त्हिंइर के लब्मैंलाइ सैवाल् त्हुम्।

प्रस्थान 35:2

क्हेमैंइ टुगैं समा के लद्, दिलेया ङिगैं क्हेमैंए ल्हागिर पबित्र ग। चु याहवेहए मिंर भों न्हबै त्हिंइ ग। खाबज्यै या च त्हिंइर के लइ बिस्याँ च म्हि सैवाल् त्हुम्।

मत्ती 12:2

छले चब् म्रोंसि फरिसीमैंइ खीने बिइ, “ङ्‍ह्‍योत्ति, क्‍हिए चेलामैंइ प्रिबै त्हिंइर तो लल् आत चन् लइमुँ।”

मत्ती 15:2

“क्‍हिए चेलामैंइ ङ्योए खेमैंए छ्या तले आम्हाँदि? तलेबिस्याँ चमैंइ कैं चब् भन्दा ओंसों यो आख्रु।”

मर्कूस 2:24

छ लब् म्रोंसि फरिसीमैंइ खीने बिइ, “ङ्‌ह्‍योद्, प्रिबै त्हिंइर लल् आतबै केन् तले चमैंइ लरिइमुँ?”

लूका 5:33

चमैंइ येशूने बिइ, “बप्‍तिस्मा पिंबै यूहन्‍नाए चेलामैं बर्त टिब्ब्रें लसि प्राथना लम्। फरिसीमैंए चेलामैंज्‍यै या छान् लम्, दिलेया क्‍हिए चेलामैं बिस्याँ त्हिंइ ह्रोंसे चब् थुँब् लम् तले जा?”

यूहन्‍ना 5:16

छ बिब् थेसि यहूदी चिबनाँब्मैंइ येशूलाइ दुःख पिंबर होंइ, तलेबिस्याँ के लल् आतबै प्रिबै त्हिंइर खीजी सल् लल।