लूका 6:17 - परमेश्‍वरए ताँ तमु क्युइर

¹⁷ च लिउँइँ खी कोंउँइँले चेलामैंने बालुन् क्युरु युसि चेप्ला तबै क्‍ल्‍ह्‍योर राइ। चर यहूदीया, यरूशलेम नेरो मा ङ्युँइ रेजरेबै टुरोस नेरो सिदोन सहर खागुबै ह्‍युलउँइँले या ल्हें म्हि खल। चर खीए अरू चेलामैं या मुँल। चमैं येशूजी लोमिंबै ताँ थेबर नेरो ह्रोंसए नब्-छब् सल् लमिंरिगे बिसि खल।

लूका 6:17 ပူးပေါင်းရင်းမြစ်များ

भजनमैं 103:3

क्हिइ लबै ताँन् छेरन् ङ्हाँबै केमैं खीजी क्षमा लमिंम्; धै क्हिए ताँन् नब-छब सल् लमिंम्,

मत्ती 11:21

“ओ खोराजीनथेंमैं नेरो बेथसेदाथेंमैं! धिक्‍कार मुँ क्‍हेमैं, तलेबिस्याँ क्हेमैं ङाँर लब् धोंबै औदिबै केमैं टुरोस नेरो सिदोन सहरजरे लस्याँ चमैंइ स्योंमन् ह्रेंगा खिसि मेब्ब्रो फोसि खेंमैंइ लबै आछ्याँबै केमैं पिसि परमेश्‍वरउँइँ सैं एमल।

मत्ती 12:15

खीलाइ सैबै मत लबै ताँ था सेसि येशू च क्ल्ह्‍योउँइँले ह्‍याइ। छले ह्‍यामा ल्‍हें म्‍हिमैं खीए लिलि ल्‍हौदिइ, धै खीजी ताँन् नबै म्‍हिमैं सल् लमिंइ।

मत्ती 14:14

येशू तालए छेउर फेमा च म्हिए हुल म्रोंसि खीए सैंर बेल्‍ले ल्हयो खइ। धै चमैं न्‍होंर्बै ताँन् नब्मैं सल् लमिंइ।

मत्ती 15:21

येशू च क्‍ल्‍ह्‍यो पिसि टुरोस नेरो सिदोन बिबै सहर खागुबै ह्‍युलजरे ह्‍याइ।

मत्ती 5:1

(म्हिमैंए हुल म्रोंसि येशू कोंउँइँ क्रेयाइ। चर ह्‍यासि क्हुँरिमा खीए चेलामैं खी ङाँर खइ।

लूका 5:15

छान् बिलेया येशूए बयन ओंसों भन्दा झन् खन्तोंदोंन् थेनेइ। छतसि खीए ताँ थेबर नेरो ह्रों-ह्रोंसए नब सल् लमिंरिगे बिसि थेबै हुल खी ङाँर खमल।

लूका 6:12

च त्‍हेजरे येशू कोंर ह्‍यासि म्‍हुँइँसतिमि परमेश्‍वरने प्राथना लसि म्हुँइँस थोइ।

लूका 6:16

याकूबए च्‍ह यहूदा नेरो यहूदा इस्‍करयोतथें (चु इस्‍करियोतथेंइ लिउँइँ धोका पिंसि येशूलाइ शत्तुरमैंए योर पिंवाम्।

लूका 6:18

च त्‍हेर्न मोंमैंइ स्‍याबै म्हिमैं या येशूजी सल् लमिंइ।