लूका 6:12 - परमेश्‍वरए ताँ तमु क्युइर

¹² च त्‍हेजरे येशू कोंर ह्‍यासि म्‍हुँइँसतिमि परमेश्‍वरने प्राथना लसि म्हुँइँस थोइ।

लूका 6:12 ပူးပေါင်းရင်းမြစ်များ

भजनमैं 22:2

ओ ङए परमेश्‍वर, ङइ त्हिंइ ह्रोंसे क्हिए मिंन् किंइमुँ, म्हुँइँस ह्रोंसे या क्हिनेन् ग्वार ह्रिइमुँ छान् ललेया ङ छिं आङ्हाँइमुँ।

मत्ती 5:1

(म्हिमैंए हुल म्रोंसि येशू कोंउँइँ क्रेयाइ। चर ह्‍यासि क्हुँरिमा खीए चेलामैं खी ङाँर खइ।

मत्ती 6:6

छतसि क्‍हेमैंइ प्राथना लमा ह्रोंसए कोठा न्‍होंर होंनु, धै म्रा तोरसि आम्रोंल्‍ले मुँबै परमेश्‍वर आबाने प्राथना लद्। आम्रोंल्‍ले लबै केमैं म्रोंबै परमेश्‍वर आबाजी क्‍हेमैंलाइ इनाम पिंब्‍मुँ।

मर्कूस 1:35

न्‍हाँगर मि म्रोंब् भन्दा ओंसोंन् येशू रेसि बैरु खाबै आरेबै क्‍ल्‍ह्‍योर ह्‍यासि प्राथना लइ।

मर्कूस 3:13

च लिउँइँ येशू कोंर ह्‍यासि खीजी त्हाँबै चेलामैं हुइमा चमैं येशू ङाँर खइ।

मर्कूस 6:46

च म्हिमैं ह्‍याबै लिउँइँ येशू कोंर प्राथना लबर ह्‍याइ।

लूका 5:16

दिलेया येशू म्हिइ आम्रोंबै क्‍ल्‍ह्‍योउँइँ ह्‍यासि परमेश्‍वरने प्राथना लब्‍ब्रें लमल।

लूका 6:11

छ लब् म्रोंसि फरिसीमैं नेरो शास्‍त्रिमैं बेल्‍ले ह्रिस खसि चुलाइ तो लले बिसि खेमैं न्‍होंर मत लबर होंइ।

लूका 6:17

च लिउँइँ खी कोंउँइँले चेलामैंने बालुन् क्युरु युसि चेप्ला तबै क्‍ल्‍ह्‍योर राइ। चर यहूदीया, यरूशलेम नेरो मा ङ्युँइ रेजरेबै टुरोस नेरो सिदोन सहर खागुबै ह्‍युलउँइँले या ल्हें म्हि खल। चर खीए अरू चेलामैं या मुँल। चमैं येशूजी लोमिंबै ताँ थेबर नेरो ह्रोंसए नब्-छब् सल् लमिंरिगे बिसि खल।

लूका 9:18

तिगें येशू खी घ्रिन् प्राथना लरिमा चेलामैं या खी ङाँर्न मुँल। प्राथना लल् खाँसि खीजी चेलामैंने “म्‍हिमैंइ ङलाइ खाब् बिम्?” बिसि ङ्योएइ।

लूका 9:28

चु ताँ बिबै सद घ्रि लिउँइँ पत्रुस, याकूब नेरो यूहन्‍ना बोसि प्राथना लबर खी कोंउँइँ ह्‍याइ।

लूका 9:29

खी कोंर फेनेसि प्राथना लरिमा येशूए मोड फेर्दियाइ। धै खीए क्‍वें बिजुलि चारब धोंले चारयाइ।

यूहन्‍ना 6:3

येशू चर्बै कोंर ह्‍यासि ह्रोंसए चेलामैंने चर्न टिइ।

कलस्सी 4:2

परमेश्‍वरलाइ धन्‍यवाद पिंसि आनारल्‍ले न्ह क्रो मि क्रोंले खोंयोंइ या प्राथना लरिद्।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।