लूका 5:6 - परमेश्‍वरए ताँ तमु क्युइर

⁶ खीजी बिब् ङिंसि चमैंइ जाल प्रिंमा ल्‍हें ताँग स्‍यासि जालैया ट्होयाबर होंइ।

लूका 5:6 ပူးပေါင်းရင်းမြစ်များ

लूका 5:7

छतमा चमैंइ अर्को डुँङ्गार मुँबै थुमैंने “चुर खसि ङि ल्होमिंन्!” बिसि हस्‍त लइ, चमैं खसि डुँङ्गा ङ्हिंर्न ताँग प्‍लिंल् लइ, च्हौ ल्हें ताँग तबइले डुँङ्गामैं या प्ल्हुँबर होंइ।

चेला चिब्मैंए केमैं 2:41

झाइले पत्रुसए ताँ क्वेंबै म्हिमैंइ बप्‍तिस्मा किंइ। च त्हिंइर्न योदा आयोदा हजार सोंदे म्हिमैं चमैंए फिर थब्दिइ।

चेला चिब्मैंए केमैं 4:4

दिलेया चमैंए ताँ थेब्मैंए न्होंर ल्हें म्हिइ येशूए फिर बिश्‍वास लइ। खीए फिर बिश्‍वास लब्मैं योदा-अयोदा हजार ङ्‍हदे तल।

१ कोरिन्थी 15:58

छतसि ओ ङइ खोबै अलि-अङाँमैं, क्हेमैं छाइ-छुइ आतल्‍ले भोंन्ले टिद्। खोंयोंन् बिलै प्रभुए के लरिद्। तलेबिस्याँ प्रभुए ल्हागिर लबै के फाक्‍कर्न आत बिबै ताँ क्‍हेमैंइ सेइमुँ।

गलाती 6:9

छतसि ङ्योइ आनारल्‍ले अरूमैंलाइ ल्होले, तलेबिस्याँ ङ्यो आनारल्‍ले के लसिन् टिइबिस्‍याँ ठिक त्हेर ङ्योइ रोमैं योंब्‍मुँ।