लूका 5:5 - परमेश्‍वरए ताँ तमु क्युइर

⁵ छबिमा सिमोनइ बिइ, “गुरु, ङिइ म्‍हुँइँसतिमि सिया सियाले जाल प्रिंसेया ताँग घ्रि या आस्‍या। दिलेया क्‍हिइ बिसेरो ङइ जाल प्रिंम्।”

लूका 5:5 ပူးပေါင်းရင်းမြစ်များ

लूका 17:13

येशूने थेबै कैले बिइ, “ओ येशू प्रभु, ङिए फिर ल्हयो खमिंन्।”

लूका 8:24

झाइले चेलामैं येशू ङाँर खसि “ओ गुरु, ङ्योम् क्युर प्ल्हुँसि सिबर होंइ,” बिदै खीलाइ छोरवाइ। छबिमा येशू रेसि नाँ खैं नेरो क्‍युए भेल्‍गा हौदिइ। छले हौदिमा नाँ खैं नेरो क्युए भेल्गा च्याँ तयाइ।

लूका 8:45

च त्हेर्न येशूजी “ङलाइ खाबइ छुइ?” बिमा चर्बै ताँन् म्हिमैंइ “ङिइ आछुइ,” बिइ। दिलेया पत्रुस नेरो चमैंने मुँब्मैंइ बिइ, “ओ गुरु, क्‍हिए कारर्ग्युले म्हिए हुल घचेट तरिइमुँ!”

लूका 9:33

मोशा नेरो एलिया येशूउँइँले ह्‍याबि छेरिमा पत्रुसइ येशूने बिइ, “ओ गुरु, ङ्यो चुर टिब स्वाब मुँन। ङ्योइ सौंलो प्ह्रों बनेले ओ, घ्रि क्‍हिए ल्हागिर, घ्रि मोशाए ल्हागिर, घ्रि एलियाए ल्हागिर।” छले खिइ तो पोंइ बिब पत्रुसइ थाइ आसे।

लूका 9:49

झाइले यूहन्‍नाइ बिइ, “ओ गुरु, क्‍हिए मिं तेसि मों ल्‍हाबै म्‍हि घ्रि ङिइ म्रोंइ, दिलेया ङिइ चने ‘छ आलद्’ बिइ, तलेबिस्याँ च म्‍हि ङिने बालु प्रसि क्हिइ बिब् धों आल।”

यूहन्‍ना 15:14

ङइ बिबै ताँमैं क्हेमैंइ लइ बिस्याँ क्हेमैं ङए खोबै थुमैं तब्मुँ।

यूहन्‍ना 2:5

छबिमा येशूए आमाइ चर्बै के लबै म्हिमैंने “खीजी बिब् धोंलेन् क्हेमैंइ लद्,” बिइ।

यूहन्‍ना 21:3

च त्हेर सिमोन पत्रुसइ थुमैंने “ङम् ताँग क्हाबर ह्‍याम्,” बिमा चमैंइ “ङि या क्हिने बालुन् ह्‍याम्,” बिसि डुँङ्गार क्रेसि ह्‍याइ। दिलेया च म्हुँइँसर चमैंइ ताँग घ्रि या आस्याल।