लूका 5:38 - परमेश्‍वरए ताँ तमु क्युइर

³⁸ छतसि भर्खर त्होंबै अँगुरए खु ट्हुबिए भोंबै नेंदोंर झोंल् त्‍हुम्।

लूका 5:38 ပူးပေါင်းရင်းမြစ်များ

मत्ती 9:17

छलेन खाबज्यै या आचिबै अँगुरए खु स्योब ट्हुबिए नेंदोर आझों। झोंइ बिस्‍याँ नेंदो ट्होह्‍यासि अँगुरए खु ङे‍याम्, धै नेंदों या ट्होयाम्। दिलेया छारा अँगुरए खु ट्हुबिए छारा नेंदोर झोंस्‍याँ नेंदो या आट्हो अँगुरए खु या आङेया।”

लूका 5:37

“छलेन खाबज्‍यै भर्खर त्होंबै अँगुरए खु ट्हुबिए स्योब नेंदोंर आझों। झोंइ बिस्‍याँ अँगुरए खुइ ट्हुबिए स्योब नेंदों ट्होवाम्, धै खु ङेयाम्, झाइले नेंदों या ट्होयाम्।

लूका 5:39

“चिबै अँगुरए लिंबै खु थुँब्मैंइ आचिबै अँगुरए खु थुँबै सैं आल। तलेबिस्याँ चिबै अँगुरए खुन् चइ लिंन् छोरम्।”

२ कोरिन्थी 5:17

तलेबिस्याँ खाबइ ख्रीष्‍टए फिर बिश्‍वास लइमुँ च म्‍हि छारा तम्। ओंसोंबै आछ्याँबै सैमैं ताँन् म्हह्‍याइ, तोन्‍दोंरि सै छारा तयाल् खाँइमुँ।

गलाती 2:4

दिलेया स्योलिबै ताँ लोमिंब्मैं ट्हुबि क्ह्‍याल् त्हुम् बिसि खाबज्यै आसेल्‍ले खसि बिश्‍वास लब्मैंए म्‍हाँजोर होंइ। धै ख्रीष्‍टउँइँले मुक्‍ति योंब्मैंलाइ छैं लसि स्योंम्बै ठिममैं म्हाँदिबर कर ल्हैदिमल।

१ तिमोथी 4:8

तलेबिस्याँ ज्युए ल्हागिर लबै के तिस्याँदे मत्‍त्रे फायदा तम्। दिलेया परमेश्‍वरए घ्याँर प्रबै ल्हागिर तालिम लस्‍याँ ल्हें सैर फायदा तम्, तलेबिस्याँ चए रो चु छ्हर मत्‍त्रे आङिं अर्को छ्हरै या योंम्।

दर्शन 21:5

राजगद्दिर क्हुँरिबै परमेश्‍वरजी ङने बिइ, “तारे ङइ ताँन् सैमैं छारा लम्।” खीजी धबै ङने बिइ, “चु ताँ प्‍ह्रिद्, तलेबिस्याँ चु ताँमैं क्वेंल् त्हुब नेरो भर लल् खाँब मुँ।”