लूका 5:32 - परमेश्‍वरए ताँ तमु क्युइर

³² छतसि ङ धर्मि प्हैंब्मैं हुइबर युब आङिं, दिलेया ‘पापिमैं पाप लब् पिसि परमेश्‍वरउँइँ सैं एरिगे,’ बिसि हुइबर युब् ग।”

लूका 5:32 ပူးပေါင်းရင်းမြစ်များ

मत्ती 18:10

“छतसि ङ क्हेमैंने बिमुँ, छेनाले मैंन्! क्हेमैंइ छाबै कोलोमैं धों तब्‍मैं खाबलाज्यै या हेल आलद्। तलेबिस्याँ चमैं जोगेमिंबर स्‍वर्गदूतमैं स्‍वर्गरि खोंयोंन् बिलै ङए आबाए उँइँर्न तम्।

मत्ती 9:13

क्‍हेमैं ह्‍यासि चु ताँए अर्थ तो मुँगे खेसि क्होद्, ‘ङ ख्रो आम्है, ल्हयो खब्मैं म्रोंसि ङ सैं तोंम्।’ धर्मि प्हैंब्मैंलाइ हुइबर ङ युब् आङिं, पापिमैं हुइबर युब् ग।”

मर्कूस 15:10

तलेबिस्याँ ख्रो पिंबै खेगि चिब्मैंइ येशूए फिर ह्रिस म्हाँदिसि खी ङाँर पखब् ग बिसि पिलातसइ सेल।

मर्कूस 15:7

च त्हेर रोमी म्रुँए बिरोधर राब्मैं झेलर मुँल। चमैंइ प्होंब् नेब् लसि म्‍हिमैं सैल। चमैं न्‍होंरि बरब्‍बा बिबै म्‍हि घ्रि मुँल।

मर्कूस 2:17

चु ताँ थेसि येशूजी चमैंने बिइ, “आनबै म्‍हिमैंए ल्हागिर मैं लबै म्‍हि आचैदि, बरु नबै म्‍हिमैंए ल्हागिर मत्‍त्रे चैदिम्। ठिक के लब् प्हैंब्मैंए ल्हागिर ङ युब आङिं, दिलेया आछ्याँबै के लब्मैं हुइबै ल्हागिर ङ युब् ग।”

लूका 15:10

ङ कहेमैंने बिमुँ, च धोंलेन् दुष्‍ट के पिसि खी ङाँइ सैं एसि छ्याँबै घ्‍याँर प्रबै म्‍हि घ्रि म्रोंसि परमेश्‍वरए स्‍वर्गदूतमैं बेल्‍ले सैं तोंम्।”

लूका 15:7

“ङ क्हेमैंने बिमुँ, ‘ङइ पाप के लइमुँ ङलाइ क्षमा पिंन्,’ बिल् आत्हुबै कुच्युसे कु धर्मि म्‍हिमैं भन्दा ‘ङ पापि मुँ, ङइ पाप केमैं लइमुँ, ङलाइ क्षमा पिंन्,’ बिसि सैं एबै म्‍हि घ्रि म्रोंसि परमेश्‍वर स्‍वर्गर बेल्‍ले सैं तोंम्।”

लूका 19:10

तलेबिस्याँ म्हिए च्ह छलेन् घ्याँ आसेसि म्हप्ररिब्मैंलाइ म्हैबर नेरो जोगेमिंबर युब् ग।”

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

लूका 5:31

दिलेया येशूजी चमैंने बिइ, “नब् छब् आतब्मैंए ल्हागिर बैद्य आचैदि, नब् छब्मैंए ल्हागिर मत्‍त्रे बैद्य चैदिम्।

लूका 5:33

चमैंइ येशूने बिइ, “बप्‍तिस्मा पिंबै यूहन्‍नाए चेलामैं बर्त टिब्ब्रें लसि प्राथना लम्। फरिसीमैंए चेलामैंज्‍यै या छान् लम्, दिलेया क्‍हिए चेलामैं बिस्याँ त्हिंइ ह्रोंसे चब् थुँब् लम् तले जा?”

चेला चिब्मैंए केमैं 17:30

छतसि म्हिमैंइ ओंसोंन् परमेश्‍वर ङो आसेमा लबै केमैं खीजी वास्ता आल। तारे परमेश्‍वरजी ताँन् क्ल्ह्‍योर्बै म्हिमैंइ ह्रों-ह्रोंसइ लबै पाप केमैं पिसि परमेश्‍वरउँइँ सैं एद् बिसि बिइमुँ।

चेला चिब्मैंए केमैं 2:38

पत्रुसइ बिइ, “ङिइ आछ्याँबै केमैं लना बिसि क्‍हेमैं ताँनइ‍ ह्रों-ह्रोंसए आछ्याँबै केमैं पिसि परमेश्‍वरउँइँ सैं एद्, धै क्हेमैंए पाप क्षमा तबै ल्हागिर येशू ख्रीष्‍टए मिंर बप्‍तिस्‍मा किंन्। छलमा परमेश्‍वरउँइँले क्हेमैंइ पबित्र प्ल्हए बरदान योंब्मुँ।

चेला चिब्मैंए केमैं 20:21

यहूदीमैं नेरो ग्रिकमैंने पाप केमैं पिसि परमेश्‍वरउँइँ सैं एद् धै ङ्योए प्रभु येशूए फिर बिश्‍वास लद् बिसि ङइ ग्वाइ पिंइँमुँ।

चेला चिब्मैंए केमैं 3:19

छतसि खीजी क्हेमैंए पाप ख्रुमिंरिगे, खीउँइँले क्हेमैं छिं ङ्हाँन् योंरिगे, झाइले खीजी क्हेमैंए ल्हागिर ओंसोंन् त्हाँबै म्रुँ ख्रीष्‍ट येशू कुल्‍मिंरिगे बिसि

चेला चिब्मैंए केमैं 3:26

क्हेमैंलाइ ह्रोंसए आछ्याँबै केमैंउँइँले एपखसि आशिक पिंबै ल्हागिर परमेश्‍वरजी ह्रोंसए सेवा लबै म्हि त्हाँसि ताँन् भन्दा ओंसों क्हेमैं इस्राएलीमैं ङाँर कुल्मिंइ।”

चेला चिब्मैंए केमैं 5:31

इस्राएलीमैंइ परमेश्‍वरउँइँ सैं एसि पाप क्षमा योंरिगे बिसि परमेश्‍वरजी येशूलाइ म्रुँ नेरो जोगेमिंबै म्हि लमिंसि ह्रोंसए क्योलोउँइँ धाँसे नुल्‍ले थेंमिंइ।

२ पत्रुस 3:9

को-कोइए सैंर “प्रभु युबर क्‍हैल् लइ,” ङ्हाँलेया प्रभुजी खीजी फैबै बाछा पूरा लबर क्हैल् आल। खाबै या नास आतरिगे बरु ह्रोंसए पापउँइँले सैं एसि खिउँइँ तोरिगे बिसि प्रभुजी क्हेमैंलाइ सैदिसि पैंरिइमुँ।