लूका 5:29 - परमेश्‍वरए ताँ तमु क्युइर

²⁹ झाइले च लेबीइ येशूए ल्हागिर ह्रोंसए धिंर थेबै भोज लइ। चर रोमी म्रुँए ल्हागिर बालि रेब्मैं नेरो अरू ल्‍हें म्‍हिमैं या चमैंने क्हुँसि चरिल।

लूका 5:29 ပူးပေါင်းရင်းမြစ်များ

मत्ती 11:19

म्हिए च्ह युसि चब् थुँब् लमा ‘ङ्‍ह्‍योत्ति, च चब्लाँ, प्हा को, बालि रेब्‍मैं नेरो अरू पापिमैंए थु!’ बिसि म्‍हिमैंइ बिमल। दिलेया परमेश्‍वरए बुद्धिए केमैं म्रोंसिन् क्ह्रोसेंन्ले बुद्धि छ्याँब् मुँन बिबै ताँ क्हेमैंइ सेल् खाँम्।”

मत्ती 5:46

ह्रोंसने म्हाँया लब्‍मैंने मत्‍त्रे क्‍हेमैंइ म्हाँया लइ बिस्‍याँ क्हेमैंइ तो इनाम योंमुँ? रोमी म्रुँए ल्हागिर बालि रेब्मैंज्यै छान् आल रो वा?

मत्ती 9:10

च लिउँइँ येशू मत्तीए धिंर चब् चरिमा रोमी म्रुँए ल्हागिर बालि रेब्‍मैं नेरो पापिमैं खसि येशू नेरो खीए चेलामैंने बालुन् चब् चबर टिइ।

मत्ती 9:9

येशू च क्‍ल्‍ह्‍योउँइँले ह्‍यारिमा मत्ती बिबै म्‍हि घ्रि बालि रेबै क्ल्ह्‍योर क्हुँरिब म्रोंइ, धै चने या “ङए लिलि प्रद्!” बिइ। छबिमा मत्ती रेसि येशूए लिलि प्रइ।

मर्कूस 2:15

दे त्हे लिउँइँ च लेबीए धिंर येशू कैं चबर क्हुँमा रोमी म्रुँए ल्हागिर बालि रेबै म्‍हिमैं नेरो अरू पाप लबै म्हिमैं या येशू नेरो खीए चेलामैंने क्हुँरिल। तलेबिस्याँ खीए लिलि प्रब्मैं ल्हें मुँल।

लूका 15:1

तिगें रोमी म्रुँए ल्हागिर बालि रेब्‍मैं नेरो अरू आछ्याँबै के लब्मैं खीए ताँ थेबर खीए ङाँर खल।

यूहन्‍ना 12:2

खीए थुमैंइ चर खीए मान लबर ङेसर्बै चब् चबर हुइल। मार्थाइ चबै सैमैं पिंसेन् मुँल। लाजरसै या खीने बालु चब् चबर टिब्मैं न्होंर्बै घ्रि मुँल।

१ कोरिन्थी 10:27

छलेन येशूए फिर बिश्‍वास आलब्‍मैं खाबै मुँलेया क्‍हेमैंलाइ चब् चबर न्हिम्तो लइबिस्‍याँ, क्‍हेमैं या ह्‍याबै सैं मुँस्‍याँ, क्‍हेमैंलाइ तो सै चल् पिंमुँ, च सै तोइ संका आलल्‍ले चद्। चु कुर चडेबै सै वा बिसि आङ्योएद्।