लूका 5:26 - परमेश्‍वरए ताँ तमु क्युइर

²⁶ छाब् म्रोंसि चर्बै ताँन् म्हिमैं प्लेटोयाइ। धै परमेश्‍वरए के म्रोंसि बेल्‍ले ङ्हिंसि खीए मिं थेब लदै “तिंयाँ ङिंइ औदिबै के म्रोंइ,” बिइ।

लूका 5:26 ပူးပေါင်းရင်းမြစ်များ

मत्ती 12:23

छले सल् लमिंब् म्रोंसि चर्बै म्‍हिमैं प्लेटोयासि “चु म्‍हि ङ्योए खे दाऊद म्रुँए च्ह मुइ उ?” बिबर होंइ।

मत्ती 28:8

छबिमा चमैं ङ्हिंब् धों ङ्हाँदै सैं तोंदै आतुरले छगोंउँइँले त्होंसि खीए चेलामैंने सँउँसर बिबर न्हेह्‍याइ।

मत्ती 9:8

छले खीजी लबै औदिबै के म्रोंसि चर्बै म्हिमैं ङ्हिंयाँइ, धै म्हिमैंलाइ च्हौ थेबै शक्‍ति पिंबै परमेश्‍वरए मिं क्वेइ।

मर्कूस 2:12

येशूजी छ बिबै तोदोंन् च म्‍हि खीए क्ल्ह्‍यो नोसि म्हिमैंउँइँले प्रयाइ। छाब् म्रोंसि चर्बै म्‍हिमैं प्लेटोयासि “छ लबम् ङिइ खोंयोंइ आम्रोंल।” बिदै परमेश्‍वरए मिं क्वेइ।

लूका 1:65

परमेश्‍वरजी लबै छाबै के म्रोंसि चमैंए ङ्‌हेब्-ट्हुब्मैं छक्‍क तसि परमेश्‍वरने ङ्हिंइ। चु ताँए बयन यहूदीया ह्‍युलर्बै कों-कोंजरे थेनेइ।

लूका 5:8

छतब् म्रोंसि सिमोन पत्रुसइ येशू प्रभुए उँइँर पत्खु तसि बिइ, “ओ प्रभु क्‍हि ङ ङाँइँले ह्रेंगो तयाद्, तलेबिस्याँ ङ पापि म्‍हि ग।”

लूका 7:16

छाबै के म्रोंसि ताँन् म्‍हिमैं बेल्‍ले ङ्हिंयाँइ, धै “परमेश्‍वर बेल्‍ले थेब नेरो छ्याँब् मुँन! ङ्योए म्‍हाँजोर थेबै अगमबक्‍ता युइमुँ! खी ह्रोंसए म्‍हिमैं जोगेमिंबर युइमुँ,” बिइ।

लूका 8:37

छतमा गेरासेनस ह्‍युलर्बै म्‍हिमैंइ येशूलाइ खेंमैंए नाँसउँइँले ह्‍यामिंन् बिसि यो छ्युँ लइ, तलेबिस्याँ चमैं बेल्‍ले ङ्हिंयाँल। छबिमा येशू डुँङ्गार क्रेसि ह्‍याबि छेमा।

चेला चिब्मैंए केमैं 4:21

छले चमैंइ सजैं पिंबै ताँ तोइ आयों तलेबिस्याँ चर तरिबै ताँए ल्हागिर ताँन् म्हिमैंइ परमेश्‍वरए मिं क्वेरिल। छतसि चमैंइ पत्रुस नेरो यूहन्‍नालाइ बेल्‍ले हौदिसि पिमिंइ।

गलाती 1:24

छले ङइ सैं एसि परमेश्‍वरए के लब् म्रोंसि चमैंइ परमेश्‍वरए मिं क्वेइ।