लूका 5:22 - परमेश्‍वरए ताँ तमु क्युइर

²² दिलेया येशूजी चमैंए सैंर्बै ताँ था सेसि बिइ, “क्‍हेमैं ह्रोंसए सैंर तले छाबै ताँ मैंरिल?

लूका 5:22 ပူးပေါင်းရင်းမြစ်များ

भजनमैं 139:2

ङ टिब नेरो राब क्हिजी सेइमुँ, ङए सैंर मैंबै ताँ क्हिजी ह्रेंगोउँइँलेन् क्होमुँ।

हितोपदेश 15:26

दुष्‍ट म्हिमैंइ मैंबै आछ्याँबै ताँमैं याहवेहजी आखो, दिलेया ठिक के लबै म्हिमैंइ मैंबै ताँमैंर खी सैं तोंम्।

मत्ती 12:15

खीलाइ सैबै मत लबै ताँ था सेसि येशू च क्ल्ह्‍योउँइँले ह्‍याइ। छले ह्‍यामा ल्‍हें म्‍हिमैं खीए लिलि ल्‍हौदिइ, धै खीजी ताँन् नबै म्‍हिमैं सल् लमिंइ।

मत्ती 12:25

येशूजी चमैंए सैंर्बै ताँ था सेसि फरिसीमैंने बिइ, “ह्रों-ह्रोंसए न्होंर्न आक्ह्रिसि प्होंब्-नेब् लस्याँ च ह्‍युल नास त‍याब्‍मुँ। छलेन खाब् मुँले सहर अथवा धिं घ्रिर्बै परवामैं प्होंब् नेब् लस्याँ चमैं या नास तयाम्।”

मत्ती 9:4

चमैंए सैंर्बै ताँ सेसि येशूजी चमैंने बिइ, “क्हेमैंए सैं न्होंर छाबै आछ्याँबै ताँमैं तले मैंल?

मर्कूस 8:17

येशूजी चमैंए ताँ था सेसि चमैंने बिइ, “क्‍हेमैंने चबै सै आरे बिसि तले ताँ लल? ङ खाब् जा बिसि क्‍हेमैंइ अझै आसे वा? अझै आक्‍हो वा? क्‍हेमैंए सैं अझै सारोन् मुँ वा?

लूका 24:38

दिलेया खीजी चमैंने बिइ, “क्‍हेमैं तले आदिदिसि संका लल?

लूका 5:21

चु ताँ थेसि फरिसीमैं नेरो शास्‍त्रिमैंइ ह्रों-ह्रोंसन् “परमेश्‍वर म्‍हि आच्‍हिल्‍ले पोंब चु खाब् जा? परमेश्‍वरजी मत्‍त्रे पापए क्षमा पिंल् खाँम् आङिं वा? बिबर होंइ।”

लूका 5:23

प्रल् आखाँबै म्‍हिने तो बिब् छ्याँब तम्? ‘रेसि प्रद्’ बिब् उ ‘क्‍हिए पाप क्षमा तइ’ बिब तो बिब् सजिल् मुँ?

चेला चिब्मैंए केमैं 5:3

दिलेया पत्रुसइ चने बिइ, “ओ हननिया, क्ल्ह्‍यो चुँसि योंबै मुइ च्युगुदे ह्रोंसने थेंसि पबित्र प्ल्हने स्योर तेब दुष्‍टइ क्हिए सैंर खैले झोंमिंइ?

हिब्रू 4:12

परमेश्‍वरए ताँ सोगों मुँ धै खोंयोंन् बिलै के लरिम्, धै चु धार ङ्हिं मुँबै सेलाँ भन्दा छ्यारब् तम्। चुइ सो नेरो प्ल्हलाइ, चए जोर्नि-जोर्नि नेरो ह्रुइबए टों समा भाग भाग लसि क्योंजा चोंजा तल्‍ले थोंसि सैंर्बै ताँ नेरो बिचार जाँच लल् खाँम्।

दर्शन 2:23

ङइ च च्हमिरिए लिलि प्रबै म्‍हिमैंलाइ सैवाब्‍मुँ। ङइ म्‍हिए सैंर्बै ताँमैं नेरो चमैंइ लबै केमैं था सेमना बिसि ताँन् बिश्‍वासीमैंइ च त्हेर था सेब्‍मुँ, छले क्‍हेमैंइ खैबै के लमुँ, छाबन् नों ङइ क्हेमैं घ्रि घ्रिलाइ पिंब्‍मुँ।