लूका 5:20 - परमेश्‍वरए ताँ तमु क्युइर

²⁰ चमैंए च्हौ थेबै बिश्‍वास म्रोंसि येशूजी च नबै म्हिने बिइ, “ओ बाबु, क्‍हिए पाप क्षमा तइ।”

लूका 5:20 ပူးပေါင်းရင်းမြစ်များ

उत्पत्ति 22:12

दूतजी बिइ, “क्हिइ च कोलोए फिर यो आरेद्, चलाइ तोइ आलद्। तारे क्हि परमेश्‍वरने ङ्हिंमना बिसि ङइ सेइ, तलेबिस्याँ क्हिए च्ह घ्रि, क्हिए घ्रिदे मुँबै च्है या क्हिइ ङ ङाँइले लोइ आथें।”

मत्ती 9:2

चर म्हिमैंइ स्याले तसि नबै म्हि घ्रि खाटनेन् बालु नोसि खी ङाँर पखइ। च म्‍हिमैंइ खीए फिर च्हौ थेबै बिश्‍वास लब् म्रोंसि येशूजी च स्याले म्‍हिने बिइ, “ओ बाबु, सैं थेब् लद्। क्‍हिए पाप क्षमा तइ।”

मत्ती 9:5

चु ओलेल् आखाँबै म्‍हिने ‘क्हिए पाप क्षमा तइ’ बिब सजिल् मुँ उ ‘रेसि प्रद्’ बिब सजिल् मुँ?

मर्कूस 2:5

च म्‍हिमैंइ खीए फिर बिश्‍वास लब् म्रोंसि येशूजी च नबै म्‍हिने बिइ, “ओ च्हेंज्यो, क्‍हिए पापमैं क्षमा तइ।”

लूका 7:48

झाइले येशूजी च च्हमिरिने “क्‍हिए पाप क्षमा तयाइमुँ,” बिइ।

यूहन्‍ना 2:25

तलेबिस्याँ म्हिमैंए सैं खैब तम् बिब खीजी सेइमुँ। छतसि म्हिए बारेर खाबज्यै खीलाइ लोमिंल् आत्हु।

यूहन्‍ना 5:14

च लिउँइँ येशूजी च नबै म्हि मन्दिरर त्होसि बिइ, “ङ्‍ह्‍योद्! क्हि सल् खाँइमुँ। क्हिए फिर तोइ दुःखमैं आखरिगे बिसि धबै पाप आलद्।”

चेला चिब्मैंए केमैं 11:23

झाइले बारनाबास चर खमा परमेश्‍वरए आशिक नेरो दयाम्हाँया चमैंए फिर तब् म्रोंसि सैं तोंइ, धै चमैं ताँनने “खों न्होंउँइँलेन् प्रभुए फिर क्ह्रोंसेंन्ले बिश्‍वास लसि खी आपिल्‍ले टिरिल् त्हुम्,” बिसि चमैंए सैं भोंमिंइ।

चेला चिब्मैंए केमैं 14:9

पावलइ पोंरिमा चइ थेरिल। च ङाँइ ङ्‍ह्‍योमा “ङ सल् खाँम्” बिबै बिश्‍वास चने मुँन बिसि पावलइ सेइ।

२ कोरिन्थी 2:10

क्‍हेमैंइ खाबलाइ क्षमा पिंमुँ ङज्‍यैया चलाइ क्षमा पिंम्। तलेबिस्याँ ङइ खाबलाज्यै क्षमा पिंइमुँ बिस्‍याँ क्‍हेमैं क्ह्रिरिगे बिसि ख्रीष्‍ट येशूए उँइँर क्षमा पिंइमुँ।

कलस्सी 3:13

घ्रिइ तोइ लवास्याँ घ्रिज्यै या सैदिब्रें लद्, खाब् मुँले म्हिलाइ छ्याब् ल्हैदिबै ताँ तोइ मुँस्याँ घ्रिइ घ्रिलाइ क्षमा लब्रें लद्। क्‍हेमैंलाइ प्रभुजी क्षमा लमिंब् धोंलेन क्‍हेमैंज्‍यै या अरूलाइ क्षमा लमिंल् त्हुम्।

याकूब 2:18

दिलेया कोइ म्‍हिइ बिलै, “क्हिने प्रे बिश्‍वास मुँ, ङने प्रे केमैं। ल्हु, छबिस्याँ के आलल्‍ले क्‍हिइ लबै बिश्‍वास ङने उँइँन्दि! धै ङइ के लसि ङइ लबै बिश्‍वास क्‍हिने प्रे उँइँब्मुँ।”