लूका 5:17 - परमेश्‍वरए ताँ तमु क्युइर

¹⁷ तिगें येशूजी परमेश्‍वरए ताँ म्हिमैंने लोमिंरिमा गालील नेरो यहूदीया ह्‍युलर्बै ताँन् नाँसउँइँले धै यरूशलेमउँइँले खबै फरिसीमैं नेरो शास्‍त्रिमैं या येशूए रेर क्हुँरिल। याहवेह परमेश्‍वरए नब् सल् लबै शक्‍ति येशूने मुँल।

लूका 5:17 ပူးပေါင်းရင်းမြစ်များ

मत्ती 11:5

कनमैंइ मि म्रोंइमुँ, डुँड्मैं प्रइमुँ, कोर खब्‍मैं सइमुँ, न्ह आथेब्मैंइ न्‍ह थेइमुँ, सियाब्‍मैं सोइमुँ धै ङ्हाँदुमैंने परमेश्‍वरउँइँले खबै सैं तोंबै ताँ बिमिंइमुँ।

मत्ती 15:1

यरूशलेमउँइँले को-कोइ फरिसीमैं नेरो शास्‍त्रिमैं खसि येशूने ङ्योएइ,

मर्कूस 1:45

दिलेया च म्‍हि ह्‍यासि येशूजी खी सल् लमिंबै ताँ म्हिमैंने बिप्रइ। छतमा येशू म्हिमैंइ म्रोंन्ले नाँसजरे प्रल् आयों, छतसि खी खाबै आरेबै क्ल्ह्‍योजरे टिइ। दिलेया खन्तोदोंउँइँले म्‍हिमैं येशूलाइ म्‍हैदै चर खइ।

मर्कूस 16:18

चमैंइ प्‍हुरिमैं क्‍हाल् खाँब्‍मुँ, बिष थुँलेया तोइ न्होह्रों तरिब् आरे, चमैंइ नबै म्‍हिमैंए फिर यो थेंमा च म्हिमैं सब्मुँ।”

मर्कूस 3:22

यरूशलेमउँइँले खबै को-कोइ शास्‍त्रिमैंइ “येशूने बालजिबुल बिबै मों मुँ, च मोंमैंए चिबउँइँले शक्‍ति योंसि चइ मोंमैं ल्‍हाल् खाँमना बिसि छ्याब् ल्हैदिइ!”

मर्कूस 5:30

च तोदोंन् येशूजी ह्रोंसउँइँले शक्‍ति त्‍होंह्‍याब था सेसि म्हिए हुलउँइँ तोसि “ङए क्‍वें खाबइ छुइ?” बिसि ङ्योएइ।

मर्कूस 7:1

तिगें यरूशलेमउँइँले खबै को-कोइ शास्‍त्रिमैं नेरो फरिसीमैं येशूए ङाँर खागु तखइ।

लूका 15:2

छाब् म्रोंसि फरिसीमैं नेरो शास्‍त्रिमैंइ “चु म्‍हिइमि आछ्याँबै के लब्मैं या खोमन। झाइले चमैंने बालुन् चब् थुँब् लमन बिसि,” गनगन लबर होंइ।

लूका 2:46

सोंरो लिउँइँ चमैं मन्दिरर ह्‍यामा येशू परमेश्‍वरए ठिम लोमिंबै म्हिमैंए म्हाँजोर क्हुँसि चमैंए ताँ थेसि चमैंने ताँमैं ङ्योएरिब स्याइ।

लूका 5:21

चु ताँ थेसि फरिसीमैं नेरो शास्‍त्रिमैंइ ह्रों-ह्रोंसन् “परमेश्‍वर म्‍हि आच्‍हिल्‍ले पोंब चु खाब् जा? परमेश्‍वरजी मत्‍त्रे पापए क्षमा पिंल् खाँम् आङिं वा? बिबर होंइ।”

लूका 5:30

छले चरिमा फरिसीमैं नेरो चमैं न्‍होंर्बै शास्‍त्रिमैंइ येशूए चेलामैंए बिरोधर गनगन लसि “चु बालि रेब्‍मैं नेरो पापिमैंने क्‍हेमैंइ तले चब्-थुँब् लल?” बिबर होंइ।

लूका 6:19

ताँन् म्‍हिमैंइ येशूलाइ छुइल् म्‍हैमल, तलेबिस्याँ येशूउँइँले शक्‍ति त्होंरिल। छतमा चमैं ताँन् सल् लमल।

लूका 7:30

दिलेया फरिसीमैं नेरो परमेश्‍वरए छ्वे लोमिंब्मैंइ बिस्याँ परमेश्‍वरजी ह्रोंस ङाँर खबै ल्हागिर बनेबै घ्याँ केर आफेब् ङ्हाँसि यूहन्‍नाउँइँले क्युर प्लुँसि बप्‍तिस्मा आकिंल।

लूका 8:46

दिलेया येशूजी बिइ, “म्‍हि घ्रिइ ङलाइ छुइबन् ग। तलेबिस्याँ ङ ङाँउँइँले शक्‍ति त्‍होंह्‍याब ङइ सेल।”

यूहन्‍ना 3:10

येशूजी चने बिइ, “क्‍हि इस्राएलीमैंए गुरु तसेया च्हग ताँ या आक्हो वा?

यूहन्‍ना 3:21

दिलेया क्ह्रोंसेंन्बै छ्ह थोबै म्हिमैं चारबै ह्‍वेर खम्। धै चमैंइ लबै केमैं परमेश्‍वरजी बिब् धोंले लब् ग बिसि छेनले म्रोंल् खाँम्।”

चेला चिब्मैंए केमैं 19:11

परमेश्‍वरजी पावलए योउँइँले थे-थेबै औदिबै केमैं लइ।

चेला चिब्मैंए केमैं 4:30

झाइले नबै म्हिमैं सल् लमिंबर क्हिजी ह्रोंसए यो स्योंमा, ह्रोंसए सेवा लबै पबित्र येशूए मिंउँइँले औदिबै केमैं नेरो चिनुमैं तरिगे।”

चेला चिब्मैंए केमैं 5:34

दिलेया गमलियल मिं मुँबै फरिसी थेबै म्हि च्होंए उँइँर राइ। च छ्वेर्बै ताँ ह्रब् सेब, ताँनइ म्हाँदिब, नेरो परमेश्‍वरए ठिम लोमिंबै म्हि मुँल। चइ सिपाइमैंने “चमैं तिस्याँदे बैरु कुलद्,” बिइ।