लूका 5:11 - परमेश्‍वरए ताँ तमु क्युइर

¹¹ छबिमा चमैंइ ह्रोंसए डुँङ्गामैं छ्योगोर भ्योंथेंसि तोन्दोंरि सै वाथेंसि प्रभु येशूए लिलि प्र‍याइ।

लूका 5:11 ပူးပေါင်းရင်းမြစ်များ

मत्ती 10:37

“खाबइ ङ भन्दा ह्रोंसए आबा-आमाए म्हाँया ल्हें लमुँ, च ङए म्‍हि तल् आखाँ। छलेन खाबइ ङ भन्दा ह्रोंसए च्‍ह-चमिए म्हाँया ल्हें लमुँ च ङए म्‍हि तल् आखाँ।

मत्ती 19:27

झाइले पत्रुसइ खीने बिइ, “ङिइमि तोन्दोंरि सै पिसि क्‍हिए लिलि ल्‍हैदिइमुँ। ङिइ तो योंम् दि?”

मत्ती 19:29

ङए ल्हागिरि ह्रोंसए धिं, आघें-अलि, अना-अङाँ, आबा-आमा, प्‍हसे, क्‍ल्‍ह्‍यो-न्‍हें वाथेंब्मैंइ च भन्दा प्र गुणा ल्हें योंब्‍मुँ। धै खोंयोंइ आखाँबै छ्ह योंबै हग या योंब्मुँ।

मत्ती 4:20

येशूजी छ बिबै तोदोंन् चमैंइ खेंमैंए जालमैं वाथेंसि खीए लिलि ल्‍हैदिइ।

मत्ती 4:22

हुइबै तोदोंन् चमैंज्‍यै या खेंमैंए डुँङ्गा नेरो आबा वाथेंसि येशूए लिलि ल्‍हैदिइ।

मर्कूस 10:21

येशूजी म्हाँयाले च ङाँइ ङ्‌ह्‍योसि बिइ, “क्‍हिइ अझै के घ्रि लब चैमुँ: छतसि ह्‍यासि क्‍हिए क्‍ल्‍ह्‍यो न्‍हें ताँन् चुँसि योंबै मुइ ङ्हाँदुमैं पिंन्, छलस्याँ क्‍हिइ स्‍वर्गर सै न्होर ल्हें योंब्‍मुँ। धै खसि ङए लिलि प्रद्,” बिइ।

लूका 5:28

छबिमा च लेबीइ खीए तोन्‍दोंरि सै वाथेंसि येशूए लिलि प्र‍याइ।