लूका 4:42 - परमेश्‍वरए ताँ तमु क्युइर

⁴² च प्‍हँन्हाँग्धों मि म्रोंबै लिउँइँ येशू खाबै आरेबै क्‍ल्‍ह्‍योर ह्‍याइ। दिलेया म्‍हिए हुलइ म्‍है‍दै खी ङाँर खसि “ङिलाइ पिसि आह्‍यामिंन् बिसि,” यो छ्युँ लइ।

लूका 4:42 ပူးပေါင်းရင်းမြစ်များ

मर्कूस 1:45

दिलेया च म्‍हि ह्‍यासि येशूजी खी सल् लमिंबै ताँ म्हिमैंने बिप्रइ। छतमा येशू म्हिमैंइ म्रोंन्ले नाँसजरे प्रल् आयों, छतसि खी खाबै आरेबै क्ल्ह्‍योजरे टिइ। दिलेया खन्तोदोंउँइँले म्‍हिमैं येशूलाइ म्‍हैदै चर खइ।

लूका 24:29

छतसि “म्‍हुँइँस तबर होंइ। तिंयाँ ङिने बालुन् टिमिंन्!” बिसि चमैंइ खीने कर ल्हैदिइ। छबिमा येशू चमैंने बालुन् टिबर धिं न्होंर होंइ।

लूका 6:12

च त्‍हेजरे येशू कोंर ह्‍यासि म्‍हुँइँसतिमि परमेश्‍वरने प्राथना लसि म्हुँइँस थोइ।

यूहन्‍ना 4:34

येशूजी चमैंने बिइ, “ङलाइ कुल्मिंबै परमेश्‍वर आबाजी बिब् ङिंब नेरो खीजी पिंबै के खाँन् लबन् ङए चबै सै ग।

यूहन्‍ना 4:40

छतसि सामरीमैं खी ङाँर खसि, “ङिने बालुन् टिमिंन्,” बिसि येशूने यो छ्युँ लइ, धै खी ङ्हिरो समा चर्न टिइ।

यूहन्‍ना 6:24

दिलेया येशू नेरो खीए चेलामैं चर आरेब सेसि च म्हिमैं डुँङ्गामैंर क्रेसि येशूलाइ म्‍हैबर कफर्नहुम नाँसर ह्‍याइ।