लूका 4:41 - परमेश्‍वरए ताँ तमु क्युइर

⁴¹ ल्हें म्हिउँइँले मोंमैं थेबै कैले “क्‍हि परमेश्‍वरए च्‍ह ग,” बिदै त्होंयाइ। दिलेया खीजी हौदिसि चमैं पोंल् आपिं। तलेबिस्याँ “येशू परमेश्‍वरजी कुल्‍मिंबै म्रुँ ख्रीष्‍ट ग!” बिसि च मोंमैंइ सेमल।

लूका 4:41 ပူးပေါင်းရင်းမြစ်များ

मत्ती 26:63

दिलेया येशू तोइ आबिल्‍ले टिरिइ। धै ख्रो पिंबै खेगि क्रथेइ येशूने बिइ, “सोगों परमेश्‍वरए मिंर कसम चसि बिद्। क्‍हि परमेश्‍वरजी कुल्मिंबै म्रुँ ख्रीष्‍ट, परमेश्‍वरए च्‍ह वा?”

मत्ती 4:3

छतमा दुष्‍टइ येशू ङाँर खसि बिइ, “क्‍हि क्‍ह्रोंसेंन परमेश्‍वरए च्‍ह ग बिस्‍याँ चु युँमामैं ‘क्हें तयाद्,’ बिद्।”

मत्ती 8:16

ङेसा तबै त्हेर म्‍हिमैंइ मोंइ स्‍याबै ल्‍हें म्‍हिमैं येशू ङाँर पखइ। धै खीजी परमेश्‍वरए ताँ पोंसिन् मोंमैं ल्‍हावाइ। छले चर्बै ताँन् नब्मैं सल् लमिंइ।

मत्ती 8:29

चमैंइ येशूने त्‍होबै तोदोंन् “ओ परमेश्‍वरए च्‍ह, क्हिला ङिने तो के मुँ? ङिलाइ सजैं पिंबै त्हे आतबर्न सजैं पिंबर क्हि चुर खल् वा?” बिसि चिरइ।

मत्ती 8:4

झाइले येशूजी चने, “चु ताँ खाबलाज्यै या आबिद्। ह्‍यासि ख्रो पिंबै खेगिने क्हिए ज्यु उँइँन्, ‘क्हि सयना’ बिब म्हिमैंइ सेरिगे बिसि मोशाइ बिब् धोंले भेटि पिंन्।”

मर्कूस 1:25

येशूजी च मोंने हौदिसि बिइ, “च म्‍हिउँइँले तोइ आबिल्‍ले त्‍होंह्‍याद्!”

मर्कूस 1:32

त्हिंयाँ लियाबै लिउँइँ म्हिमैंइ येशू ङाँर नब् छब्मैं नेरो मोंइ स्‍याब्मैं ताँन् पखइ।

मर्कूस 1:34

झाइले येशूजी ल्हें खालर्बै नबै म्‍हिमैं सल् लमिंइ, धै ल्‍हें म्हिमैंउँइँले मोंमैं या ल्‍हामिंइ। खी खाब् जा बिब मोंमैंइ सेमल, छतसि खीजी चमैं तोइ पोंल आपिं।

मर्कूस 3:11

मोंइ स्‍याबै म्‍हिमैंइ येशूलाइ म्रोंसि पत्खु तसि “क्‍हि परमेश्‍वरए च्‍ह ग बिसि चिरमल।”

लूका 4:39

छबिमा खी च ङाँर रासि जरलाइ हौदि‌इ, छले हौदिमा जरइ चलाइ पिवाइ। धै सबै तोदोंन् रेसि खेंमैंए सेवा लइ।

यूहन्‍ना 20:31

दिलेया “येशू परमेश्‍वरए च्ह नेरो खीजी कुल्‍मिंबै म्रुँ ख्रीष्‍ट ग,” बिब क्हेमैंइ क्वेंरिगे धै खीए फिर बिश्‍वास लबइले क्हेमैंइ खोंयोंइ आखाँबै छ्ह योंरिगे बिसि ङइ चु ताँमैं प्ह्रिइमुँ।

याकूब 2:19

परमेश्‍वर घ्रि मत्‍त्रे मुँ बिबै ताँ क्‍हिइ क्वेंम्, चम् ङिंबन् ग! मोंमैंज्यै या छलेन् क्वेंम्, धै ङ्हिंसि त्‍हारम्।